મંગળવારે IPL ઇતિહાસના સૌથી યુવા ખેલાડી (વૈભવ સૂર્યવંશી) અને સૌથી વૃદ્ધ ખેલાડી (એમએસ ધોની) આમને-સામને આવ્યા. 20 મેના રોજ રાજસ્થાન રોયલ્સ (RR) અને ચેન્નાઈ સુપર કિંગ્સ (CSK) વચ્ચે રમાયેલી મેચમાં, 14 વર્ષીય વૈભવ સૂર્યવંશીનો સામનો 43 વર્ષીય એમએસ ધોની સાથે થયો હતો.

સૂર્યવંશીએ મેચમાં શાનદાર પ્રદર્શન કર્યું અને માત્ર 33 બોલમાં 57 રન બનાવીને રાજસ્થાન રોયલ્સને ધોનીની આગેવાની હેઠળની CSK પર વિજય અપાવ્યો. મેચ પછી, સૂર્યવંશી અને ધોની વચ્ચે એક હૃદયસ્પર્શી ક્ષણ જોવા મળી. જ્યારે આ યુવા ખેલાડીએ દિગ્ગજ ધોનીના આશીર્વાદ લેવા માટે તેમના ચરણ સ્પર્શ કર્યા. આ વીડિયો મેચ સમાપ્ત થયા પછીનો છે અને ઇન્ટરનેટ પર ઝડપથી વાયરલ થઈ રહ્યો છે.

𝙈𝙤𝙢𝙚𝙣𝙩𝙨 𝙩𝙤 𝙘𝙝𝙚𝙧𝙞𝙨𝙝 😊

This is what #TATAIPL is all about 💛🩷#CSKvRR | @ChennaiIPL | @rajasthanroyals pic.twitter.com/hI9oHcHav1

— IndianPremierLeague (@IPL) May 20, 2025

વૈભવ સૂર્યવંશીએ ધોનીના ચરણ સ્પર્શ કર્યા

હકીકતમાં, ક્રિકેટના મેદાન પર ઘણીવાર એવી ક્ષણો જોવા મળે છે જે ફક્ત રમત કરતાં પણ મોટી હોય છે. IPL 2025 માં રાજસ્થાન રોયલ્સ (RR) અને ચેન્નાઈ સુપર કિંગ્સ (CSK) વચ્ચે રમાયેલી મેચમાં આવી જ એક હૃદયસ્પર્શી ક્ષણ આવી, જેણે કરોડો ભારતીયોના દિલ જીતી લીધા.

આ મેચમાં, IPL ઇતિહાસના સૌથી નાના ખેલાડી, વૈભવ સૂર્યવંશી (૧૪ વર્ષનો વૈભવ સૂર્યવંશી) એ પોતાના આદર્શ, મહાન એમએસ ધોનીના ચરણ સ્પર્શ કરીને તેમના આશીર્વાદ લીધા. મેચ પછી, જ્યારે બંને ટીમોના ખેલાડીઓ હાથ મિલાવી રહ્યા હતા, ત્યારે વૈભવે એમએસ ધોનીના હાથ સ્પર્શ કરીને નહીં પરંતુ તેમના પગ સ્પર્શ કરીને તેમના આશીર્વાદ લીધા.

આ દરમિયાન ધોની પણ હસતો અને તેને આશીર્વાદ આપતો અને તેની રમતના વખાણ કરતો જોવા મળ્યો. આ વીડિયો ઇન્ટરનેટ પર ધૂમ મચાવી રહ્યો છે. સોશિયલ મીડિયા પર ચાહકો કહે છે કે વૈભવ પોતાનું સ્વપ્ન પૂરું કરી રહ્યો છે. બીજા એક યુઝરે લખ્યું કે રિસ્પક્ટ ધ લેજેન્ડ. બીજા એક યુઝરે લખ્યું કે સંસ્કૃતિ ઉંમર કરતાં મોટી છે.