IND vs PAK: કોમનવેલ્થ ગેમ્સમાં અત્યાર સુધીમાં 12 લાખ ટિકિટ વેચાઈ, IND-PAK મેચની ખૂબ માંગ

ભારત અને પાકિસ્તાનની ટીમો ગમે તે રમતમાં આમને-સામને હોય ચાહકોમાં તેનો ઉત્સાહ ચરમસીમાએ હોય છે. હવે આ બંને ટીમો કોમનવેલ્થ ગેમ્સમાં આમને-સામને આવવાની છે જેની ચાહકો આતુરતાથી રાહ જોઈ રહ્યા છે.

આ વર્ષે પ્રથમ વખત મહિલા ક્રિકેટને કોમનવેલ્થ ગેમ્સમાં સ્થાન મળ્યું છે. આ વખતે આ ગેમ્સ બર્મિંગહામમાં 28 જુલાઈથી 8 ઓગસ્ટ સુધી રમાશે. આ દરમિયાન 31 જુલાઈએ ભારત અને પાકિસ્તાનની મહિલા ક્રિકેટ ટીમ ટકરાશે. એજબેસ્ટનમાં યોજાનારી આ મેચ દર્શકોથી ભરચક સ્ટેડિયમમાં યોજવામાં આવી શકે છે. આ આશા ખુદ મેનેજમેન્ટે વ્યક્ત કરી છે કારણ કે અત્યાર સુધીમાં કોમનવેલ્થ ગેમ્સની કુલ 12 લાખ ટિકિટો વેચાઈ ચૂકી છે. ભારત-પાકિસ્તાન ક્રિકેટ મેચની મોટાભાગની ટિકિટો પણ વેચાઈ ગઈ છે. જ્યારે મેચમાં હજુ એક સપ્તાહથી વધુનો સમય બાકી છે. આવી સ્થિતિમાં મેનેજમેન્ટનું માનવું છે કે આ મેચ હાઉસફુલ થઈ શકે છે.