ભારતીય ટીમના કોચ રાહુલ દ્રવિડ કોરોના પોઝિટિવ

એશિયા કપ પહેલા ટીમ ઈન્ડિયાને લઈ એક મોટા સમાચાર સામે આવ્યા છે. વિગતો મુજબ ભારતીય ટીમના મુખ્ય કોચ રાહુલ દ્રવિડ કોરોના પોઝિટિવ આવ્યા છે, તે એશિયા કપમાં જઈ શકશે કે નહીં તે અંગે હજુ પણ શંકા છે. મહત્વનું છે કે, ટીમ ઈન્ડિયા આજે UAE જવા રવાના થવાની છે.

એશિયા કપ યુએઈમાં 27 ઓગસ્ટથી શરૂ થવાનો છે. 28 ઓગસ્ટે ભારતે તેની પ્રથમ મેચ રમવાની છે જે પાકિસ્તાન સામે થશે. ભારતીય સમય અનુસાર આ મેચ સાંજે 7.30 વાગે રમાવાની છે. જોકે એશિયા કપ પહેલા જ ભારતીય ટીમને મોટો ઝટકો લાગ્યો છે. ભારતીય ટીમના મુખ્ય કોચ રાહુલ દ્રવિડ કોરોના પોઝિટિવ આવ્યા હોવાનું સામે આવ્યું છે. જે બાદમાં તેમની સારવાર શરૂ કરવામાં આવી છે.