IPL મીડિયા રાઈટ્સ : સ્ટારે TV અને વાયકોમ 18એ ડિજિટલ રાઈટ્સ ખરીદ્યા; જય શાહે જાહેરાત કરી
મીડિયા અધિકારોની હરાજીમાંથી 48,390 કરોડ રૂપિયા મળ્યા છે. ડિઝની સ્ટારે 23,575 કરોડ રૂપિયામાં ભારતીય ખંડના ટીવી અધિકારો ખરીદ્યા છે.
BCCIને ઈન્ડિયન પ્રીમિયર લીગ (IPL)ની આગામી પાંચ સીઝન (2023 થી 2027) માટે મીડિયા અધિકારોની હરાજીમાંથી 48,390 કરોડ રૂપિયા મળ્યા છે. ડિઝની સ્ટારે 23,575 કરોડ રૂપિયામાં ભારતીય ખંડના ટીવી અધિકારો ખરીદ્યા છે. Viacom18એ ભારતીય ખંડના ડિજિટલ અધિકારો રૂ. 20,500 કરોડમાં અને રૂ. 3,258 કરોડમાં પસંદગીની 98 મેચોના બિન-વિશિષ્ટ ડિજિટલ અધિકારો હસ્તગત કર્યા છે.
ભારતીય ઉપખંડની બહારના ટીવી અને ડિજિટલ અધિકારો Viacom18 અને Times Internet દ્વારા ખરીદવામાં આવ્યા છે. આ માટે 1057 કરોડ રૂપિયાની બોલી લગાવવામાં આવી હતી. આ રીતે, BCCIને ચારેય પેકેજ સહિત 48,390 રૂપિયાની રકમ મળી ગઈ છે.
BCCIને IPLની એક મેચ માટે 118 કરોડ રૂપિયા મળશે. આ રીતે, એક મેચના પ્રસારણ અધિકારો અનુસાર, IPL હવે વિશ્વની બીજી સૌથી મોંઘી લીગ બની ગઈ છે. IPLએ EPl (રૂ. 86 કરોડ પ્રતિ મેચ)ને માત આપી દીધી છે. હવે માત્ર અમેરિકાની નેશનલ ફૂટબોલ લીગ (NFL)ને આનાથી વધુ પૈસા મળ્યા છે. NFLને દરેક મેચના પ્રસારણ અધિકારો માટે 133 કરોડ રૂપિયા મળે છે.
