અફઘાનિસ્તાનના ચાહકોએ પાકિસ્તાનીઓને શારજાહની ગલીઓમાં દોડાવી દોડાવીને માર માર્યાનો વિડિયો વાયરલ
એશિયા કપ 2022માં પાકિસ્તાન અને અફઘાનિસ્તાન વચ્ચેની મેચ પછી કંઈક એવું બન્યું, જેના કારણે તમામ ક્રિકેટ ચાહકો નાખુશ છે.
એશિયા કપ 2022માં પાકિસ્તાન અને અફઘાનિસ્તાન વચ્ચેની મેચ પછી કંઈક એવું બન્યું, જેના કારણે તમામ ક્રિકેટ ચાહકો નાખુશ છે. આ મેચમાં પાકિસ્તાને અફઘાનિસ્તાનને એક વિકેટથી હરાવીને રોમાંચક જીત નોંધાવી હતી. આ પછી સ્ટેડિયમમાં જ બંને ટીમના ચાહકો સામસામે આવી ગયા હતા. આ ઘટનાનો વીડિયો પણ સોશિયલ મીડિયા પર વાયરલ થઈ રહ્યો છે. આ દરમિયાન અફઘાનિસ્તાનના ચાહકો સ્ટેડિયમની ખુરશીઓ બહાર કાઢીને દોડી આવ્યા હતા અને પાકિસ્તાની ચાહકોને ફટકાર્યા હતા. સ્ટેડિયમની બહાર પાકિસ્તાની ચાહકો વચ્ચે મારામારી પણ થઈ હતી. આ ઘટનાઓનો વીડિયો પણ વાયરલ થઈ રહ્યો છે અને હવે આ મામલે શારજાહ પોલીસ પાસેથી તપાસની માંગ કરવામાં આવી છે.
આ મેચમાં બીજા દાવની 19મી ઓવર અફઘાનિસ્તાનના ફરીદ દ્વારા કરવામાં આવી રહી હતી. પાકિસ્તાનના આસિફ અલીએ ઓવરના ચોથા બોલ પર સિક્સર ફટકારી હતી, પરંતુ આગામી બોલ પર તે આઉટ થઈ ગયો હતો. આ પછી ફરીદે તેને મેદાન છોડી જવાનો ઈશારો કર્યો અને થોડા શબ્દો પણ કહ્યા. જવાબમાં આસિફે પણ કંઈક કહ્યું અને મામલો એટલો વધી ગયો કે આસિફે ફરીદને મારવા માટે બેટ હાથમાં લીધું. અંતે અમ્પાયર બચાવમાં આવ્યા અને મામલો થાળે પડ્યો.
Can @ShjPolice identify the Afghan fans who are mercilessly beating Pakistani fans on the streets of Sharjah? #PakvsAfg pic.twitter.com/5q0dcdFto0
— Hamza Azhar Salam (@HamzaAzhrSalam) September 7, 2022
પાકિસ્તાનની જીત બાદ ટીમના સમર્થકોએ સ્ટેડિયમમાં જશ્ન મનાવવાનું શરૂ કર્યું હતું. કેટલાક અફઘાન દર્શકોને આ પસંદ ન આવ્યું અને તેઓએ સ્ટેડિયમની ખુરશીઓ કાઢીને પાકિસ્તાની દર્શકો પર ફેંકવાનું શરૂ કર્યું. આ પછી વિવાદ વધી ગયો અને સોશિયલ મીડિયા પર એવો પણ દાવો કરવામાં આવ્યો કે અફઘાન સમર્થકોએ શારજાહની ગલીઓમાં પાકિસ્તાની ચાહકોને દોડાવીને માર માર્યો હતો.