સુરત: ઉત્રાણ પોલીસ મથકના લાંચના ગુનામાં ફરાર PSIની આખરે ACBએ કરી ધરપકડ

સુરતના ઉત્રાણ પોલીસ મથકમાં ફરજ બજાવતા પોલીસ સબ ઇન્સ્પેક્ટર દ્વારા ફરિયાદી પાસે જાણવાજોગ તપાસના કામમાં રૂપિયા 10 લાખની લાંચ માંગવામાં આવી હતી.

author-image
By Connect Gujarat Desk in સુરત સમાચાર
New Update

સુરતના ઉત્રાણ પોલીસ મથકમાં ફરજ બજાવતા પોલીસ સબ ઇન્સ્પેક્ટર દ્વારા ફરિયાદી પાસે જાણવાજોગ તપાસના કામમાં રૂપિયા 10 લાખની લાંચ માંગવામાં આવી હતી. આ કેસમાં ફરાર PSIની અંતે એક વર્ષ બાદ સુરત ACB દ્વારા ધરપકડ કરવામાં આવી હતી.ACBએ અગાઉ આ કેસમાં PSIના બે વચેટીયાઓને દબોચી લીધા હતા.

સુરતના ઉત્રાણ પોલીસ મથકમાં PSI ડી કે ચોસલા પાસે વર્ષ 2023ના સપ્ટેમ્બર માસમાં એક જાણવાજોગ તપાસની અરજી આવી હતી.જે અરજીના તપાસ માટે ફરિયાદી પાસે રૂપિયા 10 લાખની લાંચની માંગણી PSI દ્વારા કરવામાં આવી હતી.ફરિયાદી દ્વારા આ અંગે સુરત ACBનો સંપર્ક કરવામાં આવ્યો હતો.ACB દ્વારા ફરિયાદના આધારે છટકું ગોઠવવામાં આવ્યું હતું,અને ઉત્રાણ પોલીસ મથક હદ વિસ્તારમાં લાંચ લેવા માટે આવેલા PSIના બે વચેટીયાઓને ACBએ ઝડપી લીધા હતા. જેમાં પિયુષ રોય અને નિલેશ કસોટીયાની ધરપકડ થતાની સાથે PSI ડી. કે.ચોસલા ફરાર થઈ ગયો હતો.આ ઘટનામાં છેલ્લા એક વર્ષથી ફરાર PSI ડી.કે.ચોસલા ફરાર હતો,આખરે ACB દ્વારા તેની ધરપકડ કરવામાં આવી છે.PSI ડી. કે ચોસલા ઉત્રાણ પોલીસ મથકમાં ફરજ બજાવતો હતો અને રૂપિયા 54 હજારનો પગારદાર છે.અને ACB દ્વારા ડી કે ચોસલાની બેનામી મિલકત સંબંધિત પણ તપાસ શરૂ કરવામાં આવી હોવાનું જાણવા મળ્યું છે.
#PSI #CGNews #police #surat police #arrested #ACB #Gujarat #bribe #Surat
Related Articles
Read the Next Article

સુરત : બારડોલીની મહિલા જીવલેણ લેપ્ટોસ્પાયરોસીસ રોગની ઝપેટમાં આવી, આરોગ્ય તંત્ર દોડતું થયું...

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

author-image
By Connect Gujarat Desk in સુરત સમાચાર
New Update

  • અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળ્યો

  • દક્ષિણ ગુજરાતમાં ચોમાસાની ઋતુમાં હાહાકાર મચાવતો રોગ

  • જીવલેણ લેપ્ટોસ્પાયરોસીસમાં બારડોલીની મહિલા ઝપેટમાં આવી

  • મહિલાને નવી સિવિલ હોસ્પિટલ ખાતે સારવાર અર્થે ખસેડાય

  • શહેર તથા જિલ્લામાં એક દર્દી નોંધાતા આરોગ્ય તંત્ર દોડતું થયું

દક્ષિણ ગુજરાતમાં દર વર્ષે ચોમાસાની ઋતુમાં જીવલેણ લેપ્ટોસ્પાયરોસીસ નામનો રોગ હાહાકાર મચાવે છે, ત્યારે સુરત શહેર તથા જિલ્લામાં પણ આ વર્ષે લેપ્ટોસ્પાયરોસીસમાં એક દર્દી ઝપેટમાં આવ્યો છે.

ચોમાસાની ઋતુમાં દર વર્ષે દક્ષિણ ગુજરાતના અતંરિયાળ વિસ્તારોમાં લેપ્ટોસ્પાયરોસીસ તરખાટ જોવા મળતો હોય છે, ત્યારે આ વર્ષે પણ દક્ષિણ ગુજરાતના સુરત જીલ્લામાં લેપ્ટોસ્પાયરોસીસનો પ્રથમ કેસ નોંધાયો છે. બારડોલીની એક મહિલા લેપ્ટોસ્પાયરોસીસની બીમારીમાં સપડાઈ જતાં તેણીને સુરતની નવી સિવિલ હોસ્પિટલ ખાતે સારવાર અર્થે ખસેડવામાં આવી છે. અત્રે ઉલ્લેખનીય છે કે, દક્ષિણ ગુજરાત સહિત સુરતમાં વર્ષ 2023માં લેપ્ટોસ્પાયરોસીસના કુલ 5 કેસ અને ગત વર્ષ 2024માં કુલ 22 દર્દી પૈકી 5 દર્દીના મોત થયા હતા, ત્યારે હવે સુરતમાં લેપ્ટોસ્પાયરોસીસની બીમારીનો પ્રથમ કેસ દેખાતા આરોગ્ય તંત્ર પણ દોડતુ થયુ છે.

#CGNews #Monsoon Dieases #woman #Bardoli #Surat #Gujarat