Connect Gujarat
ટેકનોલોજી

Netflixને લાગ્યો ઝટકો, લગભગ 10 લાખ સબ્સ્ક્રાઇબર ગુમાવ્યા.!

Netflixને ફરી એકવાર સબસ્ક્રાઈબર્સએ ચોંકાવી દીધા છે. ઘણા વર્ષોની સતત વૃદ્ધિ પછી સબ્સ્ક્રાઇબર્સ Netflix છોડી રહ્યા છે.

Netflixને લાગ્યો ઝટકો, લગભગ 10 લાખ સબ્સ્ક્રાઇબર ગુમાવ્યા.!
X

OTT પ્લેટફોર્મ નેટફ્લિક્સને ફરી એકવાર સબસ્ક્રાઈબર્સએ ચોંકાવી દીધા છે. ઘણા વર્ષોની સતત વૃદ્ધિ પછી સબ્સ્ક્રાઇબર્સ Netflix છોડી રહ્યા છે. જો કે કંપનીને પહેલાથી જ આની અપેક્ષા હતી અને Netflix પણ તેની સાથે વ્યવહાર કરવાની તૈયારી કરી રહ્યું છે. મંગળવારે કંપનીએ કહ્યું કે એપ્રિલથી જૂનમાં, 9,70,000 ગ્રાહકોએ તેમને છોડી દીધા છે. એટલે કે નેટફ્લિક્સે લગભગ 10 લાખ સબ્સ્ક્રાઇબર ગુમાવ્યા છે. ઘટતા ગ્રાહકોની જગ્યા ભરવા માટે કંપનીએ નવો પ્લાન તૈયાર કર્યો છે. ટૂંક સમયમાં નેટફ્લિક્સ જાહેરાત સપોર્ટ સાથે નવો પ્લાન રિલીઝ કરી શકે છે. બ્રાન્ડે પહેલા જ જાણ કરી હતી કે તેઓ તેના પર કામ કરી રહ્યા છે. નેટફ્લિક્સને સબ્સ્ક્રાઇબર્સની સંખ્યામાં ઘટાડો થવાની પહેલેથી જ જાણ હતી.

નેટફ્લિક્સે પહેલેથી જ કહ્યું હતું કે તેઓ આ ક્વાર્ટરમાં (એપ્રિલથી જૂન) 2 મિલિયન સબ્સ્ક્રાઇબર ગુમાવી શકે છે. જો કે, કંપનીએ ધાર્યું હતું તેટલી સ્થિતિ ખરાબ થઈ નથી. કંપની જુલાઈથી સપ્ટેમ્બર ક્વાર્ટરમાં તેમના પ્લેટફોર્મ પર 10 લાખ નવા ગ્રાહકો ઉમેરવાની અપેક્ષા રાખે છે. તે જ સમયે, વોલ સ્ટ્રીટ વિશ્લેષકોનું માનવું છે કે આ સંખ્યા 18 લાખ સુધી હોઈ શકે છે.

Next Story
Share it