અંબાણીના ઘરની બહાર મળેલી કારના માલિકે આત્મહત્યા કરતા ચકચાર

મુંબઈના ઉદ્યોગપતિ અંબાણીના ઘર પાસે જીલેટીનથી ભરેલી સ્કોર્પિયો ગાડીના માલિકની લાશ મળી આવી. સૂત્રોના જણાવ્યા અનુસાર પ્રાથમિક તપાસમાં વાહનના માલિકે આત્મહત્યા કરી હોવાનું બહાર આવ્યું છે. લાશ કાલવા વિસ્તારમાં મળી આવી છે.

રિલાયન્સ ઇન્ડસ્ટ્રીઝના વડા અંબાણીના બહુમાળી મકાન 'એન્ટિલિયા' પાસે 25 ફેબ્રુઆરીની સાંજે એક એસયુવી (સ્કોર્પિયો)માં 2.5 કિલો જીલેટીન લાકડીઓ (વિસ્ફોટક સામગ્રી) મળી આવી હતી.

એસયુવીની અંદર એક પત્ર પણ હતો જેમાં અંબાણી અને તેના પરિવારને ધમકી આપવામાં આવી હતી. પોલીસે તપાસમાં હજુ સુધી કોઈપણ આતંકી એન્ગલને નકારી કાઢ્યો છે.

મુકેશ અંબાણીના ઘરની બહાર કારમાંથી વિસ્ફોટક બનાવના કેસમાં પૂર્વ મુખ્યમંત્રી અને વિપક્ષી નેતા દેવેન્દ્ર ફડણવીસે મુંબઈ પોલીસની તપાસ પર સવાલો ઉઠાવ્યા છે. તેમણે આજે NIA પાસે વિધાનસભામાં આ સમગ્ર મામલાની તપાસ કરવાની માંગ કરી છે.