By
New Update
વડોદરામાં સર્જાઈ ગોઝારી ઘટના
મંજુસર જીઆઈડીસીનો બનાવ
ઔદ્યોગિક કચરો ખાલી કરવા આવ્યું હતું ડમ્પર
ડમ્પર વીજ લાઇનને અડી જતાં ભડકે બળ્યું
બે કમભાગીઓ જીવતા જ ભૂંજાયા
વડોદરાના સાવલી ખાતેની મંજુસર જીઆઈડીસીમાં એક ડમ્પર વીજ લાઈનને અડી જતાં આગ લાગી ગઈ હતી,સર્જાયેલા ગોઝારા અકસ્માતમાં બે કમભાગીઓ જીવતા જ ભૂંજાઈ ગયા હતા,ઘટનાને પગલે અરેરાટી વ્યાપી ગઈ હતી.
વડોદરાના સાવલી ખાતેની મંજુસર જીઆઈડીસીમાં HPCL ચોકડી પાસે એક ડમ્પર ઔદ્યોગિક કચરો ખાલી કરવા માટે આવ્યું હતું,જોકે વિધિની વક્રતા એ હતી કે આ ક્ષણે ડમ્પરનું હાઇડ્રોલિક ઉંચકવામાં આવતા ઓવરહેડ વીજ લાઈનમાં અડી ગયુ હતુ.જેના કારણે ડમ્પરમાં આગ લાગી ગઈ હતી,અને જોતજોતામાં ડમ્પર ભડકે બળવા લાગ્યું હતું.જેમાં બે કમભાગી યુવાનો ડમ્પરની આગમાં જીવતા જ ભૂંજાઈ ગયા હતા,સર્જાયેલી ઘટનાને પગલે પંથકમાં અરેરાટી વ્યાપી ગઈ હતી.ઘટના અંગેની જાણ મંજુસર પોલીસ તેમજ ફાયર બ્રિગેડને કરવામાં આવી હતી,અને ફાયર બ્રિગેડના લાશ્કરોએ આગમાં લપેટાયેલા ડમ્પર પર પાણીનો મારો ચલાવીને આગને કાબુમાં લીધી હતી.ઘટનાની ગંભીરતા પારખીને મામલતદાર સહિતના અધિકારીઓ પણ દોડી આવ્યા હતા,અને પોલીસ દ્વારા જરૂરી તપાસ શરૂ કરવામાં આવી હતી.
/connect-gujarat/media/media_files/2024/10/31/3gifa.gif)
Latest Stories