ન્યૂયોર્કમાં ભારતીય મૂળના યુવકની ગોળી મારીને હત્યા,જાણો શું છે સમગ્ર મામલો..?
ઘરની બહાર પાર્ક કરેલા વાહનમાં બેઠેલા ભારતીય મૂળના 31 વર્ષીય સતનામ સિંહની રવિવારે ગોળી મારીને હત્યા કરવામાં આવી હતી
ન્યૂયોર્કના ક્વીન્સ વિસ્તારમાં પોતાના ઘરની બહાર પાર્ક કરેલા વાહનમાં બેઠેલા ભારતીય મૂળના 31 વર્ષીય સતનામ સિંહની રવિવારે ગોળી મારીને હત્યા કરવામાં આવી હતી. ન્યૂયોર્ક પોલીસે જણાવ્યું કે સતનામ સિંહ શનિવારે બપોરે લગભગ 3:46 વાગ્યે ઘરથી થોડે દૂર સાઉથ ઓઝોન પાર્કમાં કારમાં બેઠેલા કોઈની રાહ જોઈ રહ્યા હતા. આ દરમિયાન એક હુમલાખોરે આવીને તેમના પર ગોળીઓ ચલાવી હતી.
સતનામ સિંહને ગરદન, ધડ અને માથામાં ગોળીઓ વાગી હતી. તેને નજીકની હોસ્પિટલમાં લઈ જવામાં આવ્યો, જ્યાં ડોક્ટરોએ તેને મૃત જાહેર કર્યો. પોલીસે જણાવ્યું કે સિંઘ તેની જીપ રેંગલર સહારા મિત્ર પાસેથી લાવ્યો હતો. સતનામ સિંહને કોઈની સાથે ક્યાંક જવાનું હતું તેથી તે તેના મિત્રને પૂછીને આ કાર લઈને આવ્યો હતો. હવે તપાસ ચાલી રહી છે કે બદમાશો વાહનના માલિકને મારવા માંગતા હતા કે પછી કોઈ વિવાદને કારણે સતનામ સિંહ પોતે તેમના નિશાના પર હતા.