પાકિસ્તાની સેનાએ બલોચ પર દમન વધુ તીવ્ર બનાવ્યું, કરી રહ્યા છે ચીની ડ્રોન CH-4B નો ઉપયોગ.!

પાકિસ્તાની સેના હવે અશાંત બલૂચિસ્તાનમાં વિદ્રોહને ડામવા માટે ચીની ડ્રોન CH-4Bનો ઉપયોગ કરી રહી છે. અત્યાર સુધી તે ફાઈટર પ્લેન અને હેલિકોપ્ટર વડે બલોચ પર હુમલો કરતી હતી, પરંતુ હવે તેણે ડ્રોન હુમલા શરૂ કરી દીધા છે.

ધ યુરેશિયન ટાઈમ્સના અહેવાલ મુજબ, લશ્કરી ઉપયોગ ડ્રોન (યુએવી) વડે બલોચ પર હુમલો એ પાકિસ્તાનની નવી રણનીતિ છે. હવે પાક સેના સતત UAV વડે હુમલો કરી રહી છે. બલૂચિસ્તાન પોસ્ટ-અંગ્રેજી અનુસાર, આ મહિનાની શરૂઆતમાં પાકિસ્તાન સેનાએ બોલાન ક્ષેત્રમાં બલૂચ વિદ્રોહીઓ વિરુદ્ધ એક મોટું લશ્કરી ઓપરેશન હાથ ધર્યું હતું. આમાં યુએવી, ફાઈટર એરક્રાફ્ટ, ગનશિપ હેલિકોપ્ટર અને એસએસજી કમાન્ડોનો ઉપયોગ કરવામાં આવ્યો હતો.

મીડિયા રિપોર્ટ્સ અનુસાર પાકિસ્તાન સેનાએ બલૂચિસ્તાનના બોલાનના ઉચ્ચ પ્રદેશોમાં બલૂચ રાષ્ટ્રવાદીઓ વિરુદ્ધ લડાયક વિમાનો તૈનાત કર્યા છે. બીજી તરફ પાકિસ્તાની સૈન્ય કાર્યવાહીનો વિરોધ કરી રહેલા બલૂચ મિલિશિયાએ બે SSG કમાન્ડોની હત્યા કરી હતી. પરિસ્થિતિનો સામનો કરવા માટે પાક સેનાએ હવે લડાયક યુએવીનો ઉપયોગ શરૂ કરી દીધો છે. આ એક નવી પદ્ધતિ છે અને તેનો ઉપયોગ સતત વધી રહ્યો છે.