અમદાવાદ વટવા ઔદ્યોગિક વસાહતમાં ગેસ ગળતરથી ચાર કામદારનાં મોત

New Update
અમદાવાદ વટવા ઔદ્યોગિક વસાહતમાં ગેસ ગળતરથી ચાર કામદારનાં મોત

અમદાવાદ વટવા ઔદ્યોગિક વસાહતનાં ફેઝ - 2માં આવેલ એડવાન્સ ડાયસ્ટફ ઇન્ડસ્ટ્રીઝમાં ગેસ ગળતરની ઘટના સર્જાઈ હતી. જેમાં ચાર કામદારો કરુણ મોતને ભેટ્યા હોવાનું જાણવા મળ્યું છે.

વટવા ઔદ્યોગિક વસાહતનાં ફેઝ - 2માં આવેલ એડવાન્સ ડાયસ્ટફ ઇન્ડસ્ટ્રીઝમાં વેસલમાં ગેસ ગળતરની ઘટના બની હતી, અને ફરજ પરના છ જેટલા કામદારોને ગેસની ગંભીર અસર થઇ હતી.

ઘટના અંગેની જાણ કંપની સૂત્રોને થતા તેઓએ ફાયર બ્રિગેડ સહિત ઇમરજન્સી સેવાની મદદ લીધી હતી, જોકે ચાર કામદારો શૈલેન્દ્ર દિવાકર, બંટી દિવાકર, ભરત દિવાકર, પુરન દિવાકરનાં કરુણ મોત નિપજ્યા હતા. જ્યારે સુરેશ અને માવજી ઠાકોર નામનાં કામદારો હોસ્પિટલમાં સારવાર હેઠળ હોવાનું પણ સૂત્રો દ્વારા જાણવા મળ્યુ છે.

Read the Next Article

સુરેન્દ્રનગર : 700 વર્ષ જૂની ટાંગલીયા કળા સાત સમંદર પાર હોલીવૂડમાં પહોંચી,પદ્મશ્રી કલાકારે વર્ણવી વિશેષતા

સુરેન્દ્રનગર જિલ્લાની 700 વર્ષ જૂની ટાંગલીયા કળા સાત સમંદર પાર હોલીવૂડમાં પહોંચી છે. તાજેતરમાં હોલીવૂડમાં રિલીઝ થયેલી ફિલ્મ F1ના મુખ્ય એક્ટર બ્રેડ પીટે ટાંગલીયા કળાનો બનાવેલ શર્ટ પહેર્યો છે.

New Update
  • 700 વર્ષ જૂની ટાંગલીયા કળાની ડિમાન્ડ

  • સ્વદેશી કળા પહોંચી હોલીવૂડ

  • F1 ફિલ્મ બ્રેડ પીટ ટાંગલીયા શર્ટમાં સજ્જ

  • પદ્મશ્રી કલાકારે વર્ણવી ટાંગલીયા કળાની વિશેષતા

  • ટાંગલીયા કળાને પ્રોત્સાહન મળે તેવી આશા જન્મી 

સુરેન્દ્રનગર જિલ્લાની 700 વર્ષ જૂની ટાંગલીયા કળા સાત સમંદર પાર હોલીવૂડમાં પહોંચી છે. તાજેતરમાં હોલીવૂડમાં રિલીઝ થયેલી ફિલ્મF1ના મુખ્ય એક્ટર બ્રેડ પીટે ટાંગલીયા કળાનો બનાવેલ શર્ટ પહેર્યો છે.જે સમગ્ર રાજ્ય માટે ગૌરવભરી ઘટના સાથે ટાંગલીયા કળાને હવે પ્રોત્સાહન પણ મળશે તેવી આશા પણ જન્મી છે.

સુરેન્દ્રનગર જિલ્લો સીરામીક ઉદ્યોગની સાથે સાથે કલાત્મક વસ્તુઓ માટે પણ જાણી તો છે.હોલીવૂડમાં તાજેતરમાં રિલીઝ થયેલી ફિલ્મF1 માં મુખ્ય હિરો બ્રેડ પીટનો એક લુક આજકાલ ચર્ચાનો વિષય બન્યો છે.કારણ કે આ લુકમાં બ્રેડ પીટે પહેરેલો શર્ટ સુરેન્દ્રનગર જિલ્લાની 700 વર્ષ જુની ટાંગલીયા કળામાંથી બનાવવામાં આવ્યો છે. સુરેન્દ્રનગર જિલ્લાના વતની અને ટાંગલીયા કળાને જીવંત રાખનાર લવજી પરમારને તાજેતર માં જ સરક‍ાર દ્વારા ટાંગલીયા કળા માટે પદ્મશ્રી એવોર્ડ આપવામાં આવ્યો હતો.

ત્યારે આ અંગે લવજી પરમારે જણાવ્યું હતું કે જે શર્ટ હિરોએ પહેર્યો છે,તેમાં ખાસ ઇન્ડીગો પેટર્નનો શર્ટ છે,તે સામાન્ય કરતા થોડો અલગ બને છે અને તેને તૈયાર કરવામાં અંદાજે 4 થી 5 દિવસ જેટલો સમય લાગે છે. અને ખુબ ઝીણવટભર્યું કામ હોય છે અને આ શર્ટની અંદાજિત કિંમત રૂપિયા 25 હજારથી વધુ થાય છે. લુપ્ત થવા જઇ રહેલી ટાંગલીયા કળા હોલિવૂડ સુધી પહોંચતા જિલ્લામાંં ટાંગલીયા કળાના ક‍ારીગરોમાં પણ ઉત્સાહ જોવા મળે છે અને આગામી સમયમાં આ ટાંગલીયા કળાને વૈશ્વિક સ્તરે આગવી ઓળખ મળશે તેવી આશા વ્યક્ત કરવામાં આવી છે.

Latest Stories