ગ્રામ પંચાયત ચૂંટણીની મત ગણતરી શરુ

ભરૂચ જિલ્લાની 395 ગ્રામ પંચાયતો માટે તારીખ 27મીના રોજ ચૂંટણી યોજાઈ હતી. જે ઈલેક્શનની મત ગણતરી લોખંડી પોલીસ સુરક્ષા કવચ સાથે શરુ કરવામાં આવી છે.

સ્થાનિક સ્વરાજમાં ગ્રામ્ય ક્ષેત્રે ખુબ જ પ્રતિષ્ઠા ભર્યો જંગ ગણાતી ગ્રામ પંચાયતની ચૂંટણી શાંતિ પૂર્ણ માહોલમાં સંપન્ન થયા બાદ તારીખ 29મીના રોજ સવારના 8 વગ્યા થી ચુસ્ત પોલીસ બંદોબસ્ત સાથે ચૂંટણી મત ગણતરી શરુ થઇ હતી.

સ્ટ્રોંગ રૂમમાંથી મત પેટીઓ ગણતરી માટે બહાર કાઢવામાં આવતાની સાથે જ ઉમેદવારોમાં હાર જીની ચિંતાની લકીરો નજરે પડી હતી.

ભરૂચની સરકારી ઇજનેરી કોલેજ ખાતે જયારે અંકલેશ્વરની જીનવાલા સ્કૂલ ખાતે પંચાયતી રાજના ઈલેક્શનની મત ગણતરી કરવામાં આવી રહી છે.