Connect Gujarat

ડાન્સર-સિંગર સપના ચૌધરીએ કરી ભાજપમાં એન્ટ્રી

ડાન્સર-સિંગર સપના ચૌધરીએ કરી ભાજપમાં એન્ટ્રી
X

દિલ્હી ભાજપના સભ્યપદ માટેના અભિયાનમાં રવિવારે જાણીતી ડાન્સર સપના ચૌધરી પહેલી વખત સભ્ય બની છે. જવાહર લાલ નેહરુ સ્ટેડિયમમાં દિલ્હી ભાજપના સભ્ય જોડવા માટેના અભિયાન કાર્યક્રમમાં શિવરાજ સિંહ ચૌહાણ, ભાજપ મહાસચિવ રામલાલ અને મનોજ તિવારીની હાજરીમાં સપના ચૌધરી ભાજપમાં સામેલ થઈ. ભારતીય જનતા પાર્ટી સમગ્ર દેશમાં સભ્ય પદ માટેનું અભિયાન ચલાવી રહ્યાં છે અને લોકોને પાર્ટીમાં જોડી રહ્યાં છે.

દિલ્હી ચૂંટણી પ્રચારના છેલ્લા દિવસે ઉત્તર પૂર્વ દિલ્હીથી ભાજપના ઉમેદવાર મનોજ તિવારીએ સપના ચૌધરી સાથે અને ભોજપુરી ગાયક ખેસારી લાલ સાથે રોડ શો કર્યો હતો ત્યારથી સપનાની ભાજપમાં જોડાવવાની વાત નક્કી થઈ ગઈ હતી. તિવારીનો મુકાબલો દિલ્હીના પૂર્વ મુખ્યમંત્રી અને કોંગ્રેસ નેતા શીલા દીક્ષીત અને આમ આદમી પાર્ટીના દિલીપ પાંડે સાથે હતો. 12મેના રોજ થયેલી ચૂંટણીમાં મનોજ તિવારીએ જીત નોંધાવી હતી.

Next Story
Share it