Connect Gujarat
Featured

અમદાવાદ: આપનું આવતીકાલે શક્તિ પ્રદર્શન, મનીષ સિસોદીયાનો 8 કલાકનો લાંબો રોડ શો, જુઓ રૂટ

અમદાવાદ: આપનું આવતીકાલે શક્તિ પ્રદર્શન, મનીષ સિસોદીયાનો 8 કલાકનો લાંબો રોડ શો, જુઓ રૂટ
X

ગુજરાતની સ્થાનિક સ્વરાજ્યની સંસ્થાઓની ચૂંટણીમાં આમ આદમી પાર્ટી પ્રચારનું બ્યૂગલ ફૂંકવા જય રહી છે. દિલ્હીના ઉપ મુખ્યમંત્રી મનીષ સિસોદીયા આવતીકાલે અમદાવાદમા 8 કલાકનો લાંબો રોડ શો કરશે.

સ્થાનિક સ્વરાજની ચૂંટણી માટે મોટાભાગની રાજકીય પાર્ટીઓએ પોતાના ઉમેદવાર જાહેર કરી દીધા છે ત્યારે હવે મહાનગર પાલિકા અને નગરપાલિકામાં પ્રચારનું બ્યુગલ ફુંકાશે આમ આદમી પાર્ટીના રાષ્ટ્રીય નેતા અને દિલ્હીના ઉપ મુખ્યમંત્રી મનીષ સીસોદીયા અમદાવાદની મુલાકાતે આવી રહ્યા છે. અહીં તેઓ 8 કલાકનો લાંબો રોડ શો કરી અમદાવાદના મતદાતોને રીઝવવાનો પ્રયાસ કરશે આમ અમદાવાદમાં આવતીકાલથી ચૂંટણી પ્રચારના શ્રી ગણેશ આમ આદમી પાર્ટી કરવા જય રહી છે.

આવતી કાલે અમદાવાદમાં સવારે 10 વાગ્યે મનિષ સિસોદિયા પૂર્વ અમદાવાદમાં હાટકેશ્વરની સેવન ડે સ્કૂલથી રોડ શોની શરૂઆત કરશે અને બપોરે દોઢ વાગે બાપુનગર સ્ટેડિયમ ખાતે સમાપન થશે. ત્યાર બાદ શહેરના પશ્ચિમ વિસ્તારમાં બપોરે અઢી વાગ્યે થલતેજ અંજની માતાના મંદિરેથી ફરીવાર રોડ શોની શરૂઆત કરશે અને સાજે 6 વાગ્યે ગોતા એસજી હાઈવે બ્રિજની નીચે સમાપન થશે આ દરેક વોર્ડમાં આપ તરફથી ઉમેદવાર ઉભા રાખવામાં આવ્યા છે અને આપ અમદાવાદમાં આવતીકાલે શક્તિ પ્રદર્શન કરશે આ રોડ શોમાં ગુજરાતના પ્રભારી ગુલાબસિંહ પ્રદેશ અધ્યક્ષ ગોપાલ ઈટાલીયા અને પ્રદેશના હોદેદારો હાજર રહેશે તો સાથે પાર્ટીના ઉમેદવારો અને કાર્યકરો પણ મોટી સંખ્યામાં પહોચશે.

Next Story
Share it