ભારત બાયોટેકની નાકની રસીની કિંમત નક્કી, જાણો તે ક્યારે ઉપલબ્ધ થશે?
નાક દ્વારા અપાતી ભારત બાયોટેકની ઇન્ટ્રાનાસલ કોરોના રસી INCOVACC ની કિંમત નક્કી કરવામાં આવી છે.
નાક દ્વારા અપાતી ભારત બાયોટેકની ઇન્ટ્રાનાસલ કોરોના રસી INCOVACC ની કિંમત નક્કી કરવામાં આવી છે. મીડિયા રિપોર્ટ્સ અનુસાર ખાનગી હોસ્પિટલોમાં એક ડોઝની કિંમત 800 રૂપિયા હશે. આ ઉપરાંત 5 ટકા જીએસટી પણ ચૂકવવો પડશે. ખાનગી હોસ્પિટલોને પણ એક ડોઝ માટે 150 રૂપિયાનો વહીવટી ચાર્જ વસૂલવાની છૂટ છે. આ રસીના એક ડોઝની કિંમત હાલમાં લગભગ 1000 રૂપિયા હશે. જણાવી દઈએ કે ભારત બાયોટેકની ઇન્ટ્રાનાસલ વેક્સીન iNCOVACC ગયા અઠવાડિયે જ કોરોના રસીકરણ કાર્યક્રમમાં સામેલ કરવામાં આવી હતી.
ઇન્ટ્રાનાસલ રસી અગાઉ કોવેક્સિન અથવા કોવિશિલ્ડ સાથે સંપૂર્ણ રસી મેળવનારા લોકો માટે બૂસ્ટર શૉટ તરીકે મંજૂર કરવામાં આવી હતી. જાન્યુઆરીના અંત સુધીમાં તે એવા લોકો માટે ઉપલબ્ધ થશે જેમણે કોરોના વેક્સીનના બંને ડોઝ લીધા છે.