નવરાત્રીમાં માતાજીને ધરો ઘરે બનાવેલા કેસર પેંડા પ્રસાદનો ભોગ, જાણી લો રેસેપી...
નવલી નવરાત્રિ શરૂ થઈ ગઈ છે. ત્યારે તમે માતાજીને પ્રસન્ન કરવાની સંપૂર્ણ તૈયારીઓ કરી જ લીધી હશે.
નવલી નવરાત્રિ શરૂ થઈ ગઈ છે. ત્યારે તમે માતાજીને પ્રસન્ન કરવાની સંપૂર્ણ તૈયારીઓ કરી જ લીધી હશે. આ અમાએ તમને સૌથી વધારે જો કોઈ વાતની ચિંતા હોય તો એ છે માતાજીનો ભોગ, માતાજીને રોગ ભોગમાં શું ધરવું તેને લઈને ચિંતા થતી હોય છે. તો આજે અમે તમારા માટે સરળ કેસર પેંડાની રેસેપી લઈને આવ્યા છીએ, જે ધરતા જ માતાજી ખુશ થઈ જશે અને મને પણ આનંદ મળશે. તો કરો સરળ સ્ટેપ સાથેની તૈયારીઓ.....
કેસર પેંડા બનાવવાની સામગ્રી
· 1 લિટર દૂધ
· 100 ગ્રામ ખાંડ
· 4 એલચીનો પાવડર
· ચપટી કેસર
· પિસ્તાની સ્લાઈસ
કેસર પેંડા બનાવવાની રીત
· કેસર પેંડા બનાવવા માટે સૌ પ્રથમ દૂધને ગરમ કરો અને દૂધને સતત હલાવતા રહો. દૂધ ઘટ્ટ થઈ ત્યાં સુધી તેને ઉકાળતા રહો.
· હવે દૂધમાં ખાંડ ઉમેરી બરાબર મિક્સ કરી ને હલાવતા રહો.
· ખાંડ ઓગળી જાય ત્યાં સુધી તેને હલાવતા રહો. હવે તેમાં કેસર ઉમેરીને ફરીથી બરાબર મિકસ કરો. દૂધને સતત હલાવતા રહેવું.
· જેથી કરીને તે તળિયે ચોંટી ના જાય.
· કેસર ઉમેરવાના કારણે દૂધનો રંગ પીળો થઈ જાય છે.
· દૂધ એકદમ ઘટ્ટ થઈને માવાનું રૂપ લઈ લે ત્યારે ગેસ બંધ કરી દો. હવે માવાને ઠંડો થવા દો.
· હવે આ માવા માંથી નાના નાના પેંડા બનાવી લો. હવે તેના પર પિસ્તા લગાવી ગાર્નિશ કરો.
· તો તૈયાર છે ભોગમાં ધરાઇ તેવા સ્વાદિષ્ટ કેસર પેંડા