IND vs NZ : માઈકલ વોનને હાર્દિક પંડ્યાનો જડબાતોડ જવાબ, કહ્યું- અમારે કોઈને કંઈ સાબિત કરવાની જરૂર નથી.!
ટીમ ઈન્ડિયા ન્યુઝીલેન્ડ સામે ટી20 સીરીઝ રમવા માટે તૈયાર છે. આ સીરીઝમાં હાર્દિક પંડ્યા ભારતીય ટીમની કેપ્ટનશીપ કરતો જોવા મળશે.
ટીમ ઈન્ડિયા ન્યુઝીલેન્ડ સામે ટી20 સીરીઝ રમવા માટે તૈયાર છે. આ સીરીઝમાં હાર્દિક પંડ્યા ભારતીય ટીમની કેપ્ટનશીપ કરતો જોવા મળશે. માનવામાં આવે છે કે ટીમ ઈન્ડિયામાં T20 ફોર્મેટમાં પરિવર્તનનો તબક્કો શરૂ થઈ ગયો છે. એવું કહેવામાં આવી રહ્યું છે કે હવેથી સૌથી ટૂંકા ફોર્મેટમાં યુવા ખેલાડીઓને પ્રાધાન્ય આપવામાં આવશે. ટી20 વર્લ્ડ કપમાં ટીમ ઈન્ડિયાના ખરાબ પ્રદર્શનને કારણે આવો નિર્ણય લેવામાં આવી રહ્યો છે.
ભારતીય ટીમને ગત સપ્તાહે સેમીફાઈનલમાં ઈંગ્લેન્ડ સામે હારનો સામનો કરવો પડ્યો હતો. આ પછી ભૂતપૂર્વ ક્રિકેટરો અને પ્રશંસકોએ ટીમ ઈન્ડિયાની ખૂબ ટીકા કરી હતી. ઈંગ્લેન્ડના ભૂતપૂર્વ કેપ્ટન માઈકલ વોન પણ ટીકાકારોમાંના એક હતા. ઈંગ્લેન્ડ સામેની હાર બાદ વોને ભારતીય ટીમને ક્રિકેટના ઈતિહાસમાં સૌથી ખરાબ પ્રદર્શન કરનારી ટીમ ગણાવી હતી.
વોને કહ્યું હતું- 2011માં ઘરઆંગણે વનડે વર્લ્ડ કપ જીત્યા બાદ ભારતે કશું હાંસલ કર્યું નથી. ટીમ ઈન્ડિયા સફેદ બોલના ક્રિકેટ ઈતિહાસમાં સૌથી ઓછી પ્રદર્શન કરનારી ટીમ છે. ભારતીય કેપ્ટન હાર્દિક પંડ્યાએ હવે આ અંગે પ્રતિક્રિયા આપી છે અને વોનને જડબાતોડ જવાબ આપ્યો છે. તેણે કહ્યું કે અમારે કોઈને કંઈ સાબિત કરવાની જરૂર નથી.
હાર્દિકે કહ્યું- જ્યારે તમે સારું પ્રદર્શન નથી કરતા તો લોકો તેમના મંતવ્યો આપવા માટે સ્વતંત્ર છે અને અમે તેનું સન્માન કરીએ છીએ. હું સમજું છું કે જુદા જુદા લોકોના જુદા જુદા વિચારો હોય છે. આંતરરાષ્ટ્રીય સ્તરે, મને નથી લાગતું કે આપણે કોઈને કંઈ સાબિત કરવાની જરૂર છે. આ એક રમત છે અને તમે હંમેશા તેને વધુ સારી બનાવવાનો પ્રયાસ કરો છો. જોકે જ્યારે પરિણામ આવવાનું છે ત્યારે આવશે. અમારે કેટલીક બાબતો પર કામ કરવાની જરૂર છે અને અમે તેની રાહ જોઈ રહ્યા છીએ.