ઉત્તરાયણ પર્વની ઉજવણી વહેલી સવાર થી જ શરુ થઇ હતી, અને નાના ભૂલકાઓ થી માંડીને સૌ કોઈ ઘરનાં ટેરેસ પર કે છાપરા પર નજરે પડયા હતા.
નવા વર્ષનાં પ્રથમ મહિને પ્રથમ તહેવાર ઉતરાયણની ઉજવણી કરવામાં આવે છે, આકાશી યુધ્ધ માટે 14મી જાન્યુઆરીનાં એક મહિના અગાઉ થી જ ઉત્સવપ્રિય લોકો દોરી અને પતંગની ખરીદીમાં લાગી જાય છે.
પતંગ ઉડાડવાનો જોમ અને જુસ્સો બરકરાર રાખવા માટે ઉંધીયુ, જલેબી, ચિક્કી, મમરાના લાડુ, સહિતની ચટાકેદાર વાનગીઓની મિજબાની પણ સ્વાદનાં શોખીનો એ માણી હતી. અને એ લપેટ, કાય પો છે જેવી બુમોથી વાતારવરણ પણ ગુંજ તું રહ્યું હતુ.