ભરૂચ જિલ્લાના આમોદ તાલુકાના દોરા ગામે આવેલ ઓરીયન્ટબેલ સિરામિક્સ લીમિટેડ સામે કથિત ગેરકાયદેસર કરેલ બાંધકામના આક્ષેપ સાથે યોગ્ય કાર્યવાહી ન થતાં અને ખેતરોમાં પાણી ભરાતા સ્થાનિકો રોષે ભરાયા છે.

ભરૂચ જીલ્લાના આમોદ તાલુકાના દોરા ગામે સરભાણ-પાલેજ રોડને અડીને ઓરીયન્ટબેલ સિરામિક્સ લીમિટેડ નામની ફેકટરી આવેલી છે. જે ફેક્ટરી દિવાલના ફલોરીંગ તથા ટાઈલ્સનું ઉત્પાદન કરે છે. જોકે, ઓરીયન્ટબેલ સિરામિક્સ લી. કંપની સત્તાધીશો દ્વારા ગેરકાયદેસર બાંધકામ કરાયું હોવાનો ગ્રામજનોએ આક્ષેપ કર્યો છે, જ્યારે કંપનીમાં આવવા જવા માટે ઉપરોકત રોડથી 12 હજાર મીટરનો રસ્તો સરકારી ઢોર ચરણ તેમજ નહેર ઉપર હાલ 2 માસ પૂર્વે પાકો ડામરનો રસ્તો બનાવાયો છે, ત્યારે આ સરકારી જમીનમાં ગામના પશુધનને ઘાસચારાનો ખોરાક મળી રહે તે માટે તેમજ અહી ખુલ્લી નહેર આવેલી છે. જોકે, પશુધનને આરોગવા માટેનો ખોરાક છીનવાઈ ગયો છે. તો બીજી તરફ સરકારની માલિકીની ગામતરની ઢોર ચરણમો માર્ગ સત્વરે ખુલ્લો કરવામાં આવે તે માટે અગાઉ જીલ્લા કલેકટરને આવેદન પત્ર આપી રજૂઆત પણ કરવામાં આવી હતી, ત્યારે હાલ ચોમાસાની સીઝનના પ્રારંભમાં જ કંપનીની આસપાસના ખેતરોમાં પાણી ભરાઇ જતાં ખેડૂતો તેમજ સ્થાનિકોમાં રોષ જોવા મળ્યો છે.