ભાવનગર : અધેલાઇ ખાતે સગર્ભા મહિલાઓ માટે મેગા મેડીકલ કેમ્પ યોજાયો, જરૂરી દવાઓ તેમજ માર્ગદર્શન અપાયું

ભાવનગર તાલુકાના અધેલાઇ પ્રાથમિક આરોગ્ય કેન્દ્ર પર સગર્ભા બહેનોનો મેગા મેડીકલ કેમ્પ આયોજીત કરવામા આવ્યો હતો. જેમાં ૪૨ જેટલા સગર્ભા બહેનોનું મેડીકલ ઓફીસર મારફત હેલ્થ ચેક અપ કરી જરૂરી દવાઓ તેમજ માર્ગદર્શન વિનામૂલ્યે પુરૂ પાડવામાં આવ્યું હતું.

અધેલાઇ પ્રાથમિક આરોગ્ય કેન્દ્ર યોજાયેલા કેમ્પમાં સગર્ભા બહેનોના લોહી-પેશાબની વિવિધ લેબોરેટરી તપાસ, વજન, ઉંચાઈ, પેટની તપાસ, બ્લ્ડ પ્રેશરની તપાસ કરવામાં આવી હતી. તેમજ ધનુર વિરોધી રસી અપાઈ હતી. ડો. સુનિલ પટેલ તાલુકા હેલ્થ ઓફીસર ભવનગરના સંકલનથી આ કેમ્પ માટે તાલુકા પંચાયતના સ્વભંડોળમાથી અંદાજિત ૩૫,૦૦૦ જેટલી રકમ ફાળવવામા આવી હતી. જેમાથી સગર્ભા બહેનોને માસ્ક, સેનીટાઈઝર, સાબુ, પ્રોટીન પાઉડર તથા ઈમ્યુનીટી બુસ્ટર એવા વિટામીન સી અને ઝિંક નો પાઉડર, ગ્લુકોઝ પાઉડર, વિટામીન સી અને ઝીંકની ગોળી, લોહીના ટકા વધારવાની દવા તેમજ કેલ્શીયમની ગોળીઓ અને ઓ.આર.એસ પાઉડરનું વિતરણ કરવામાં આવ્યુ હતું.

સમગ્ર કેમ્પ દરમ્યાન મુખ્ય જિલ્લા આરોગ્ય અધીકારીશ્રીના માર્ગદર્શન હેઠળ તાલુકા હેલ્થ ઓફીસર દ્વારા પદાધીકરીઓ સાથે સુચારૂ સંકલન સાધી મેડિકલ કેમ્પની ઉતમ વ્યવસ્થા ગોઠવવામા આવી હતી. પ્રોગ્રામ મેનેજર ચેતનસિંહ દ્વારા ખિલખિલાટ વાહન મારફત આ કેમ્પમા ગ્રામીણ વિસ્તારોમાંથી સગર્ભા બહેનોને કેમ્પના સ્થળે લાવવા અને પરત ઘરે મુકવાની વિનામૂલ્યે વ્યવસ્થા કરાઈ હતી. આ કેમ્પમાં મંત્રી પુરષોતમભાઈ સોલંકી વતી દીવ્યેશભાઈ સોલંકી ખાસ ઉપસ્થિત રહ્યા હતા. તેમજ ભાવનગર તાલુકા પંચાયતના પ્રમુખ તેમજ અન્ય ગણમાન્ય પદાધીકારી અને અધીકારીઓ પણ ઉપસ્થીત રહ્યા હતા. આ મેગા ચેકઅપ કેમ્પને સફળ બનાવવા માટે ડો. હરપાલસિંહ ગોહિલ દ્વારા સતત માર્ગદર્શન આપવામાં આવ્યું હતું. ભાવનગરની સમગ્ર ટીમે સગર્ભા બહેનોને સહેજ પણ મુશ્કેલી ન પડે તે રીતે મેગા ચેકઅપ કેમ્પને સફળ બનવવા ભારે જહેમત ઉઠાવી હતી.