Connect Gujarat
Featured

લગ્નના 27 વર્ષ પછી બિલ ગેટ્સે મેલિન્ડાને છૂટાછેડા આપ્યા; કહ્યું - હવે સાથે નહીં ચાલી શકીએ

લગ્નના 27 વર્ષ પછી બિલ ગેટ્સે મેલિન્ડાને છૂટાછેડા આપ્યા; કહ્યું - હવે સાથે નહીં ચાલી શકીએ
X

માઈક્રોસોફ્ટના સહ-સ્થાપક બિલ ગેટ્સ અને તેની પત્ની મેલિન્ડા ગેટ્સે લગ્નના 27 વર્ષ પછી છૂટાછેડા જાહેર કર્યા છે. એક સામાન્ય નિવેદન જારી કરતાં બંનેએ કહ્યું કે હવે તે બંને સાથે નહીં રહી શકે. તમને જણાવી દઈએ કે બિલ ગેટ્સ અને મેલિન્ડાના લગ્ન 1994 માં થયા હતા. બિલ ગેટ્સની ગણતરી વિશ્વના સૌથી ધનિક લોકોમાં થાય છે.

બિલ ગેટ્સે સોશિયલ મીડિયા પ્લેટફોર્મ ટ્વિટર પર છૂટાછેડા અંગે એક નિવેદન શેર કર્યું છે. જેમાં લખ્યું છે, 'લાંબી વાતચીત અને અમારા સંબંધો પર કામ કર્યા પછી અમે અમારા લગ્ન સમાપ્ત કરવાનો નિર્ણય લીધો છે. છેલ્લા 27 વર્ષોમાં અમારા ત્રણ બાળકોનો ઉછેરી મોટા કર્યા. અમે એક ફાઉન્ડેશન પણ બનાવ્યું છે જે સમગ્ર વિશ્વના લોકોના સ્વસ્થ અને સારા જીવન માટે કાર્ય કરે છે.'

https://twitter.com/BillGates/status/1389316412259270657

બિલ ગેટ્સ અને તેની પત્ની મેલિન્ડા ગેટ્સની પ્રથમ મુલાકાત 1987 માં થઈ હતી. તે સમયે, મેલિન્ડાએ માઈક્રોસોફ્ટમાં પ્રોડક્ટ મેનેજર તરીકે કામ કરવાનું શરૂ કર્યું. 1994માં બંનેના લગ્ન હવાઈના લાની ટાપુ પર થયા હતા. એવું કહેવામાં આવે છે કે તેણે ભીડ ઘટાડવા માટે તમામ હેલિકોપ્ટર ભાડે લીધા હતા.

Next Story
Share it