Connect Gujarat
Featured

અમેરિકા: બાઇડેને વિનિંગ ભાષણમાં કહ્યું- ચૂંટણીની ગરમીને ભૂલી જાઓ, કોઈ 'લાલ-વાદળી' નહીં હોય

અમેરિકા: બાઇડેને વિનિંગ ભાષણમાં કહ્યું- ચૂંટણીની ગરમીને ભૂલી જાઓ, કોઈ લાલ-વાદળી નહીં હોય
X

ભારે ખેંચતાણ બાદ અમેરિકાની ચૂંટણીમાં ડેમોક્રેટ્સના જો બિડેનની અભૂતપૂર્વ જીત થઈ છે. વિજય પછી, બાયડેને તેમના સમર્થકોને સંબોધન કરતાં કહ્યું કે અમેરિકન લોકોએ તેમનામાં જે વિશ્વાસ બતાવ્યો તે અભૂતપૂર્વ છે. તેમણે વચન આપતા કહ્યું, રાષ્ટ્રપતિ બન્યા પછી તોડવાનું નહીં જોડવાનું કામ કરીશું.

ડેમોક્રેટિક પાર્ટીના રાષ્ટ્રપતિ પદના ઉમેદવાર, 77 વર્ષીય જોસેફ આર. બિડેન, ટ્રમ્પને પરાજિત કર્યા બાદ અમેરિકાના 46માં રાષ્ટ્રપતિ બની ગયા છે. તેઓ 20 જાન્યુઆરી, 2021 ના રોજ શપથ લેશે.

વિજય પછી, બાયડેને તેમના સમર્થકોને સંબોધન કરતાં કહ્યું કે અમેરિકન લોકોએ તેમનામાં જે વિશ્વાસ બતાવ્યો તે અભૂતપૂર્વ છે. તેમણે કહ્યું હતું કે તેઓ વચન આપે છે કે રાષ્ટ્રપતિ બન્યા પછી તેઓ જોડવાનું કરવાનું કામ કરશે, તોડવાનું નહીં.

WE the people માટે જનાદેશ

જો બિડેને કહ્યું કે અમેરિકાની જનતાએ પોતાનો આદેશ આપ્યો છે, આ આદેશ વી ધ પીપલ માટે છે. સાથે જ 77 વર્ષીય જો બિડેને કહ્યું કે તેઓ એક એવા રાષ્ટ્રપતિ બનવાનું વચન આપે છે કે જે દેશ અને સમાજને તોડવા નહીં, પણ જોડાવા માટે કામ કરશે.

રાજ્યો લાલ અને વાદળી નહીં હોય

જો બિડેને સ્પષ્ટ કર્યું કે તે ભલે ડેમોક્રેટિક ઉમેદવાર હોય, પણ જીત્યા પછી, તે આખા યુનાઇટેડ સ્ટેટ્સના રાષ્ટ્રપતિ છે. તેમણે કહ્યું હતું કે વિજય બાદ હું રાજ્યોને લાલ અને વાદળી તરીકે જોઈશ નહીં. હું બધા રાજ્યો સાથે વ્યવહાર ફક્ત યુનાઇટેડ સ્ટેટ્સના દ્રષ્ટિકોણથી કરીશ. તેમણે કહ્યું હતું કે વિશ્વાસ જીતવા માટે તેઓ પૂર્ણ પ્રયાસ કરશે.

કોરોના સામે યુદ્ધની યોજના

યુએસના ચૂંટાયેલા રાષ્ટ્રપતિ જો બિડેને કહ્યું કે કોરોના વિરુદ્ધ એક્શન પ્લાન તૈયાર કરવાની તેમની પહેલી જવાબદારી રહેશે. તેમણે ગઈકાલે એમ પણ કહ્યું હતું કે તેઓ રાષ્ટ્રપતિ બનતાની સાથે જ કોરોના સામેના યુદ્ધ માટે એક એક્શન પ્લાન આપશે.

ચૂંટણીની ગરમીને ભૂલી જાઓ

ડેમોક્રેટિક ઉમેદવાર જો બિડેને કહ્યું હતું કે હવે સમય ભૂતકાળને ભૂલીને, આગળ વધવાનો છે. હવે ચૂંટણીની ગરમી ઓછી કરો, હવે આપણે ફરી એકબીજાને મળવું પડશે, અને એક બીજાને સાંભળવું પડશે.

Next Story