આમના ડરથી અક્ષય જેવા સ્ટાર્સ ગુપ્ત રીતે કરે છે મને કોલ; જુઓ શું કહ્યું કંગના રનૌતે
બોલિવૂડમાં પોતાના દમ પર પોતાની ઓળખ બનાવનારી બોલિવૂડની બેબાક અભિનેત્રી કંગના રનૌતનો વિવાદો સાથે ખૂબ જ ગાઢ સંબંધ છે. તે દરેક મુદ્દા પર પોતાના મંતવ્યો ખુલ્લીને કહે છે. આ જ કારણ છે કે લોકો તેમને ખૂબ જ સરળતાથી નિશાન બનાવે છે. તાજેતરમાં કંગનાએ સોશિયલ મીડિયા પર આવો એક ખુલાસો કર્યો છે કે વાંચ્યા પછી બધા સ્તબ્ધ થઈ ગયા છે. મૂવી માફિયા પર કટાક્ષ કરતાં કંગનાએ કહ્યું કે, “અક્ષય કુમાર જેવા બોલિવૂડના ઘણા મોટા સ્ટાર્સ મને ખાનગીમાં કોલ કરી વાત કરે છે”. ”
આ સાથે જ કંગનાએ પણ અનિરુધના આ ટ્વીટનો જવાબ આપ્યો છે. કંગનાએ લખ્યું કે, “બોલીવુડ એટલું શત્રુતાપૂર્ણ છે કે અહીં મારી પ્રશંસા કરવાથી પણ લોકોને મુશ્કેલી પડી શકે છે, અક્ષય કુમાર જેવા મોટા સ્ટાર્સથી પણ મને ઘણા સિક્રેટ કોલ્સ અને મેસેજીસ મળે છે. તેમણે થલાઇવી ફિલ્મની જોરદાર પ્રશંસા કરી, પરંતુ આલિયા અને દીપિકાની ફિલ્મોની જેમ તેઓ પણ ખુલ્લેઆમ તેની પ્રશંસા કરી શકતા નથી. મૂવી માફિયાનો આતંક.”
પટકથા લેખક અનિરુધ ગુહાએ કરેલા ટ્વિટ બાદ કંગનાએ આ ખુલાસો કર્યો હતો. અનિરુદ્ધે કંગના વિશે એક ટ્વીટ કર્યું હતું, જેમાં તેણે કંગનાની ખૂબ પ્રશંસા કરી હતી. ખરેખર, અનિરુદ્ધે એક યુઝરની પોસ્ટને જવાબ આપ્યો અને લખ્યું કે કંગના રાનાઉત એક અસાધારણ અને પીઢીમાં એક વાર થનારી અભિનેત્રી છે.
