ભરૂચના વહાલું ગામ નજીક આજે બપોરના સમયે સર્જાયેલા અકસ્માતમાં બે વ્યક્તિના મોત નિપજ્યા હતા.જેમાં આમોદ તાલુકાના કેસલુ ગામ ખાતે રહેતા ધવલ વિનુભાઈ પટેલ આજે સવારે  બાળકોના ભરૂચ ખાતે પાઠ્યપુસ્તકો લેવા આવ્યા હતા,અને બપોરે બાળકોના પાઠ્યપુસ્તકો લઇ બાઈક લઈને પરત આમોદ પોતાના ઘરે જઈ રહ્યા હતા.આ દરમિયાન પાદરા તાલુકાના માસર ગામે મામાના ઘરેથી અંકલેશ્વર સિદ્ધેશ્વર સોસાયટીમાં રહેતા કેતનભાઇ દિનેશભાઈ ચૌહાણ અને પત્ની મીતલબહેન બાઈક પર પરત આવી રહ્યા હતા.આ દરમિયાન તેઓની બાઇક સામસામે ભટકાઈ હતી.આ અકસ્માતમાં ધવલ પટેલ અને કેતન ચૌહાણને ગંભીર ઈજા પહોંચતા તેઓના ઘટના સ્થળે જ મોત નીપજ્યા હતા.જ્યારે કેતનભાઇની પત્ની મિતલને ગંભીર ઈજા પહોંચતા તેમને સારવાર અર્થે ભરૂચ સિવિલ હોસ્પિટલ ખસેડવામાં આવ્યા હતા. બનાવની જાણ થતા ભરૂચ તાલુકા પોલીસનો કાફલો ઘટના સ્થળે દોડી આવ્યો હતો અને બનાવ સંદર્ભે ગુનો નોંધી વધુ તપાસ હાથ ધરી છે.