Connect Gujarat
ગુજરાત

જુનાગઢ : દિવાળીની રજાઓમાં ગિરનાર રોપ-વે ખાતે જામી લોકોની ભીડ, હજારો પ્રવાસીઓ વેઇટિંગમાં અટવાયા.

ગિરનાર રોપ-વે ઓથોરિટી દ્વારા ઓફલાઇન બુકિંગ બંધ કરી ઓનલાઈન બુકિંગ કરાવનાર પ્રવાસીઓને પ્રવેશ અપાતાં લોકોએ ભારે હોબાળો મચાવ્યો હતો.

જુનાગઢ : દિવાળીની રજાઓમાં ગિરનાર રોપ-વે ખાતે જામી લોકોની ભીડ, હજારો પ્રવાસીઓ વેઇટિંગમાં અટવાયા.
X

દિવાળીના તહેવારોમાં જુનાગઢ ખાતે એશિયાના સૌથી મોટા રોપ-વે ગિરનાર રોપ-વેની મજા માળવાનો લ્હાવો લેવા લોકોની ભારે ભીડ પણ જામી હતી. ગિરનાર રોપ-વે ઓથોરિટી દ્વારા ઓફલાઇન બુકિંગ બંધ કરી ઓનલાઈન બુકિંગ કરાવનાર પ્રવાસીઓને પ્રવેશ અપાતાં લોકોએ ભારે હોબાળો મચાવ્યો હતો.

એશિયામાં સૌથી વધુ લંબાઇ ધરાવતાં તેમજ દેશના અદ્યતન ટેકનોલોજીયુકત ગિરનાર રોપ-વે ખાતે દિવાળીની રજાઓમાં પ્રવાસીઓનું ઘોડાપૂર ઊમટ્યું છે. રોપ-વે દ્વારા રોજના હજારો યાત્રિકોને પગથિયા ચઢ્યા વિના સરળતા સાથે ગિરનારની ટોચે લઈ જવામાં આવે છે. જોકે, દિવાળીની રજાઓ દરમ્યાન લોકોએ ઓનલાઈન બુકિંગ કરાવતા લોકોએ રાહ જોવી પડી હતી, ત્યારે રોપ-વે ઓથોરિટી દ્વારા મર્યાદા કરતાં વધુ ટિકિટ વહેંચી નાખી હોવાના આક્ષેપ સાથે પ્રવાસીઓએ ભારે હંગામો મચાવ્યો હતો.

જુનાગઢ ગિરનાર રોપ-વે ખાતે પ્રવાસીઓનો ધસારો વધતા રોપ-વે ઓથોરિટી દ્વારા નિર્ણય લેવામાં આવ્યો હતો. જેમાં ઓફલાઇન બુકિંગ બંધ કરી દેવાતા 5 હજારથી વધુ પ્રવાસીઓ વેઇટિંગમાં અટવાયા હતા. આ સાથે જ ઓફલાઇન બુકિંગ બંધ કરી ઓનલાઇન બુકિંગ કરાવનાર પ્રવાસીઓનેજ એન્ટ્રી આપવામાં આવી હતી. ઉપરાંત જ્યાં સુધી ઓનલાઇન બુકિંગ ધરાવનાર લોકોનો ઘસારો ઓછો ન થાય ત્યાં સુધી ઓફલાઇન બુકિંગને બંધ રખાતા અનેક પ્રવાસીઓ રોષે ભરાયા હતા.

Next Story
Share it