સ્થૂળતાની સાથે સાથે હ્રદય સંબંધી રોગો પણ છોડ આધારિત આહારથી દૂર રહે છે, જાણો તેના અનેક ફાયદાઓ
તમે ક્યારેય છોડ આધારિત આહારનું પાલન કર્યું છે અથવા સાંભળ્યું છે? છોડ આધારિત આહારમાં મોટે ભાગે એવા ખોરાકનો સમાવેશ થાય છે
તમે ક્યારેય છોડ આધારિત આહારનું પાલન કર્યું છે અથવા સાંભળ્યું છે? છોડ આધારિત આહારમાં મોટે ભાગે એવા ખોરાકનો સમાવેશ થાય છે જે છોડના સ્ત્રોતોમાંથી આવે છે. તેમાં મોટી માત્રામાં ફળો, શાકભાજી, અનાજ, કઠોળ અને બદામનો સમાવેશ થાય છે. આ આહારમાં માંસ, ઈંડા, ચિકનનો સમાવેશ થતો નથી. માટે છોડ આધારિત આહાર કેટલો ફાયદાકર્ક છે,તે જાણો
1. નાસ્તો :-
વનસ્પતિ ખોરાક શરીરને પૂરતા પ્રમાણમાં પ્રોટીન પ્રદાન કરવામાં મદદરૂપ થાય છે. નાસ્તામાં ગ્રીક દહીં સાથે બદામ લો. તમે ઓમેગા-3 ફેટી એસિડ્સ માટે ફ્લેક્સ અથવા ચિયા સીડ્સનો સમાવેશ કરી શકો છો. બદામ સાથે આખા અનાજની ટોસ્ટ ખાઓ.
2. બપોરનું ભોજન :-
બપોરના સમયે પાંદડાવાળા શાકભાજીનું સેવન કરવા ઉપરાંત કઠોળ પણ ખાઓ. લીલા પાંદડાવાળા શાકભાજી કેલ્શિયમનો સારો સ્ત્રોત છે. તમારા રસોડામાં મસૂર દાળ, બદામ, મરી, ઓલિવ ઓઈલને પણ સ્થાન આપો. બ્રાઉન રાઇસ પણ ખાઈ સકે છે.
3. રાત્રિભોજન :-
રાત્રિભોજન માટે, તમે ટામેટાં સાથે શેકેલા પોર્ટોબેલો મશરૂમ લઈ શકો છો. બીજી બાજુ, બાફેલા અથવા શેકેલા શક્કરીયાને પણ ખાઈ શકાય છે. તમે બ્રાઉન રાઇસના વેજ પુલાવ પણ બનાવી શકો છો, તેમાં પ્રોટીન પણ વધારે હોય છે.
છોડ આધારિત આહારના ફાયદા :-
શાકભાજી, ફળો અને બદામ પોષક તત્વોથી ભરપૂર હોય છે. તેમાં વિટામિન્સ, મિનરલ્સ, એન્ટિઓક્સિડન્ટ્સ અને ફાઇબર હોય છે. ફાઈબર એક એવું તત્વ છે, જે માત્ર છોડ અને સંબંધિત ખાદ્ય પદાર્થોમાં જ મળી શકે છે. યોગ્ય પાચન જાળવવા ઉપરાંત, ફાઇબર કોલેસ્ટ્રોલ અને ચરબી ઘટાડવામાં મદદરૂપ છે, સાથે જ તે બ્લડ સુગર લેવલને પણ નિયંત્રિત કરે છે. આ ડાયટ ફોલો કરીને તમે ઝડપથી વજન ઘટાડી શકો છો. ખાવાની આ પદ્ધતિ અપનાવવાથી હૃદય સંબંધી રોગો દૂર રહે છે.
છોડ આધારિત આહારમાં પ્રોટીનનો અભાવ હોય છે. માંસ, દૂધ અને ઈંડામાં પ્રોટીન માટે જરૂરી તમામ એમિનો એસિડ હોય છે. કેલ્શિયમ, આયર્ન અને B-12 સહિત અમુક પોષક તત્વોમાં ઉણપનું જોખમ હોઈ શકે છે. આ ઉણપને પૂરી કરવા માટે જરૂરી પૂરક આપવામાં આવે છે. છોડ આધારિત ખોરાકમાંથી પૂરતું કેલ્શિયમ મેળવવું મુશ્કેલ બની શકે છે. જો કે પાલક, બીટ જેવી કેટલીક શાકભાજીમાં કેલ્શિયમ ભરપૂર માત્રામાં હોય છે.
તેમાં રહેલા પોષક તત્વો શરીરને અનેક સમસ્યાઓથી બચાવે છે. તે ત્વચા માટે પણ સારું માનવામાં આવે છે. આ આહારનું સેવન કરીને ત્વચાને સ્વસ્થ અને ચમકદાર બનાવી શકાય છે.
