ડાર્ક સર્કલ તમને વૃદ્ધ દેખાડી શકે છે. ઘણા લોકો માટે આ મુખ્ય ચિંતાનો વિષય છે. જો તેમની તાત્કાલિક સારવાર ન કરવામાં આવે તો, તે જીવનભરની સમસ્યા તરફ દોરી શકે છે. ડાર્ક સર્કલ થવાના ઘણા કારણો હોઈ શકે છે. લાંબા સમય સુધી સ્ક્રીનને જોવાથી, ખૂબ ઓછી ઊંઘ આવવાથી, તણાવ અને અન્ય ઘણા કારણોને લીધે આવું થાય છે.
ઘણા લોકો આ ડાર્ક સર્કલને છુપાવવા માટે અંડર આઈ સ્કિન કેરનો ઉપયોગ કરે છે. આ સિવાય ઘણા લોકો રસાયણયુક્ત બ્યુટી પ્રોડક્ટ્સનો ઉપયોગ કરે છે. પરંતુ તેની અસર લાંબા સમય સુધી રહેતી નથી.
કોલ્ડ કોમ્પ્રેસ :
કોલ્ડ કોમ્પ્રેસ આંખ પર દેખાઈ રહેલ સોજો ઘટાડવામાં ઘણી મદદ કરે છે. તે વિસ્તરેલી રક્તવાહિનીઓને સંકુચિત કરવામાં મદદ કરે છે. કોલ્ડ જેડ રોલર અથવા મલમલના કપડાની અંદર લપેટી આઇસ ક્યુબનો લગભગ 20 મિનિટ સુધી ઉપયોગ કરી શકાય છે. જો કાપડ ગરમ થઈ જાય અથવા બરફ પીગળે તો આ પ્રક્રિયાને પુનરાવર્તિત કરવી જોઈએ.
પલાળેલી ટી બેગ :
આંખોની નીચે ઠંડી ટી બેગ લગાવવીએ ડાર્ક સર્કલનો સામનો કરવાની બીજી એક સરસ રીત છે. ચામાં કેફીન અને એન્ટીઓક્સીડેન્ટ હોય છે. આ તમારી ત્વચા હેઠળ સુખદ અસર છોડવા માટે રક્ત પરિભ્રમણને ઉત્તેજીત કરે છે. બે બ્લેક અથવા ગ્રીન ટી બેગને ગરમ પાણીમાં પાંચ મિનિટ માટે પલાળી રાખો. પછી તેને 15 થી 20 મિનિટ માટે ફ્રીજમાં રાખો. એકવાર ટી બેગ પૂરતી ઠંડી થઈ જાય, પછી તેને તમારી બંધ આંખો પર 10 થી 20 મિનિટ માટે લગાવો. ત્યારપછી તમારી આંખોને ઠંડા પાણીથી ધોઈ લો.
ઊંઘ ખૂબ જરૂરી :
ડાર્ક સર્કલને ઘટાડવા માટે ઊંઘએ સૌથી સરળ પરંતુ શ્રેષ્ઠ માર્ગ છે. ઘણી વખત સારી અને પૂરી ઊંઘ ન મળવાને કારણે આંખો થાકેલી દેખાય છે, પછી ભલે તમે ગમે તેટલા કન્સિલરનો ઉપયોગ કરો. ડાર્ક સર્કલની સારવાર માટે વિવિધ સારવારોનો ઉપયોગ કરી શકાય છે. પરંતુ તંદુરસ્ત ટેવો પણ ખૂબ જ મહત્વપૂર્ણ છે. તંદુરસ્ત આહાર, હાઇડ્રેટેડ રહેવું અને યોગ્ય માત્રામાં ઊંઘ મેળવવી એ તમારી આંખો માટે જરૂરી છે.