નાની ઉંમરે જ આંખોની રોશની કમજોર કરી શકે છે આંખની આ બીમારી, જાણો તેના લક્ષણો......

આંખોને અણમોલ કહેવામાં આવે છે કેમ કે તેના વિના જીવન ખૂબ મુશ્કેલ થઈ જાય છે. દરમિયાન આંખો સંબંધિત બીમારી થવા પર સૌથી પહેલા તપાસ કરાવવી જોઈએ પરંતુ ઘણી વખત લોકો આંખોની હેલ્થ અંગે બેદરકાર રહે છે જેના કારણે સમય પહેલા જ આંખો કમજોર થઈ જાય છે કાં તો પછી તેમની રોશની છીનવાઈ જાય છે. આંખો સંબંધિત આવી જ એક બીમારી છે જેમાં બેદરકારીના કારણે દર્દી હંમેશા માટે આંખોની રોશની ગુમાવી બેસે છે. આ બીમારીને ગ્લુકોમા કહેવામાં આવે છે. સ્મોકિંગ, લાંબા સમય સુધી સ્ક્રીનને જોતુ રહેવુ અને બેદરકારીના કારણે આજકાલ લોકો મોટી સંખ્યામાં ગ્લુકોમાનો શિકાર થઈ રહ્યા છે.

· ગ્લુકોમા એટલે શું

ગ્લુકોમાં આંખ સંબંધિત એક એવી સમસ્યા છે જેમાં આંખની ઓપ્ટિક નર્વને નુકસાન પહોંચવા પર આંખની રોશની ઘટવા લાગે છે. આંખ સંબંધિત આ ઓપ્ટિક નર્વ આપણા બ્રેઈનને કોઈ સીન સાથે જોડાયેલી માહિતી મોકલે છે, અને તેના દ્વારા આપણે કોઈ વસ્તુને ઓળખવાનું કામ કરી શકીએ છીએ. દરમિયાન જો અમુક કારણોસર ઓપ્ટિક નર્વ પર દબાણ પડે અને તે કમજોર કે ક્ષતિગ્રસ્ત થઈ જાય તો બાબતો ઓળખવાની ક્ષમતા કમજોર થઈ જાય છે અને આંખોની રોશની ઘટવા લાગે છે. જોકે અત્યાર સુધી ગ્લુકોમા વિશે કહેવામાં આવે છે કે આ વધુ ઉંમર ધરાવતા એટલે કે સાઠ વર્ષ બાદના લોકોને વધુ થાય છે પરંતુ છેલ્લા કેટલાક વર્ષોમાં ગ્લુકોમા દરેક ઉંમરના લોકો અને બાળકોને પણ પોતાનો શિકાર બનાવવા લાગ્યુ છે. જે લોકોને ડાયાબિટીસ છે, એવા લોકોને ગ્લુકોમાનું વધુ જોખમ હોય છે. ગ્લુકોમાને રોકવા માટે જરૂરી છે કે તેના લક્ષણોને ઓળખો. ગ્લુકોમાના લક્ષણોમાં આંખોમાં લાંબા સમય સુધી દબાણ અને દુખાવો રહે છે. આ સિવાય દર્દીને આંખોમાં દુખાવાની સાથે-સાથે માથાનો દુખાવો પણ રહે છે. વ્યક્તિને રોશનીની ચારે બાજુ ઈન્દ્રધનુષ જેવી વસ્તુ દેખાય છે. નજર કમજોર થવા લાગે છે. આ સાથે વ્યક્તિની આંખોમાં દરેક સમયે લાલાશ દેખાવા લાગે છે. જો આવા લક્ષણ દેખાઈ રહ્યા હોય તો 6 મહિનાની અંદર જ આંખના ડોક્ટર પાસે ચેકઅપ કરાવવુ જોઈએ.