BJP સાંસદ ગૌતમ ગંભીરને આતંકી સંગઠન ISIS કાશ્મીર તરફથી મળી ધમકી

પૂર્વ દિલ્હી લોકસભા સીટ પરથી ભારતીય જનતા પાર્ટીના સાંસદ ગૌતમ ગંભીરને આતંકવાદી સંગઠન ઈસ્લામિક સ્ટેટ ઓફ ઈરાક એન્ડ સીરિયા, કાશ્મીર ઈસ્લામિક સ્ટેટ ઓફ ઈરાક એન્ડ ધ લેવન્ટ તરફથી ધમકીઓ મળી છે. આ પછી દિલ્હી પોલીસ દ્વારા તેમના નિવાસસ્થાનની સુરક્ષા વધારી દેવામાં આવી છે. દિલ્હી પોલીસ પાસેથી મળેલી માહિતી અનુસાર, પૂર્વ ક્રિકેટર ગૌતમ ગંભીરે દિલ્હી પોલીસનો સંપર્ક કર્યો છે અને આરોપ લગાવ્યો છે કે તેને ISIS કાશ્મીર તરફથી જાનથી મારી નાખવાની ધમકી મળી છે. આ અંગે DCP સેન્ટ્રલ દિલ્હી શ્વેતા ચૌહાણે પણ જણાવ્યું કે ફરિયાદ મળ્યા બાદ આ મામલે તપાસ ચાલી રહી છે. ધમકીના પગલે ગૌતમ ગંભીરના ઘરની બહાર સુરક્ષા વધારી દેવામાં આવી છે.

દિલ્હીના બીજેપી સાંસદ ગૌતમ ગંભીરને જાનથી મારી નાખવાની ધમકી આપતો ઈમેલ મળ્યો છે. ISIS, કાશ્મીર નામના ઈમેલ આઈડીમાં સાંસદ ગૌતમ ગંભીર અને તેમના પરિવારને જાનથી મારી નાખવાની ધમકી આપવામાં આવી છે. આ પછી, બીજેપી સાંસદના અંગત સચિવ ગૌરવ અરોરા તરફથી મધ્ય દિલ્હી પોલીસને લેખિતમાં ફરિયાદ આપવામાં આવી છે. ગૌરવ અરોરાએ જણાવ્યું કે 9:32 વાગ્યે મેઈલ આવ્યો છે. તેમાં લખ્યું છે કે અમે તને અને તારા પરિવારને મારી નાખીશું. આ પછી દિલ્હી પોલીસને લેખિતમાં માહિતી આપવાનું પગલું લેવામાં આવ્યું હતું.

અત્રે એ ઉલ્લેખનિય છે કે પૂર્વ દિલ્હીના ભાજપના સાંસદ ખૂબ જ લોકપ્રિય નેતા છે. તેઓ તેમના લોકહિતના કાર્યો દ્વારા પણ સતત ચર્ચામાં રહે છે. આ સાથે તેઓ રાજકીય અને સામાજિક મુદ્દાઓ પર અભિપ્રાય આપતા રહે છે. આ એપિસોડમાં તાજેતરમાં જ સાંસદ ગૌતમ ગંભીરે પંજાબ કોંગ્રેસના અધ્યક્ષ નવજોત સિંહ સિદ્ધુને ટ્વિટર પર ઈમરાન ખાનને પોતાનો મોટો ભાઈ કહેવાની સલાહ આપી હતી. જેમાં તેણે કહ્યું હતું કે તમે તમારા બાળકોને બોર્ડર પર મોકલો, ત્યારબાદ આતંકવાદી દેશના વડાને મોટા ભાઈ તરીકે કહો. એ અલગ વાત છે કે નવજોત સિદ્ધુ અને ગૌતમ ગંભીર બંને ટીમ ઈન્ડિયા માટે ક્રિકેટ રમી ચૂક્યા છે.