કર્ણાટકમાં હિજાબ વિવાદ ફરી ઘેરાયો, યુનિવર્સિટી કોલેજના વિદ્યાર્થીઓ ધરણા પર બેઠા
કર્ણાટકમાં ફરી એકવાર હિજાબનો વિવાદ ઉભો થયો છે. એબીવીપીના વિદ્યાર્થીઓએ યુનિવર્સિટી કોલેજ, મેંગલુરુમાં હિજાબના નિયમનો અમલ ન કરવા બદલ કોલેજ પ્રશાસન સામે વિરોધ કર્યો
કર્ણાટકમાં ફરી એકવાર હિજાબનો વિવાદ ઉભો થયો છે. એબીવીપીના વિદ્યાર્થીઓએ યુનિવર્સિટી કોલેજ, મેંગલુરુમાં હિજાબના નિયમનો અમલ ન કરવા બદલ કોલેજ પ્રશાસન સામે વિરોધ કર્યો. વિદ્યાર્થીઓનું કહેવું છે કે કર્ણાટકની તમામ કોલેજોમાં હિજાબ પહેરવાની છૂટ નથી, પરંતુ આ કોલેજમાં વિદ્યાર્થિનીઓ હિજાબ પહેરે છે. એબીવીપીએ માંગ કરી છે કે જો તેમને કોલેજમાં હિજાબ પહેરવાની છૂટ આપવામાં આવે તો તેમને કેસરી શાલ પણ પહેરવાની છૂટ આપવામાં આવે. વિદ્યાર્થીઓ પોતાની માંગણીઓ માટે ધરણા પર બેઠા છે.
કર્ણાટકમાં હિજાબ પહેરવાનો વિવાદ ઉડુપી જિલ્લાની સરકારી PU કોલેજે મુસ્લિમ સમુદાયની 6 વિદ્યાર્થિનીઓને હિજાબ પહેરવા માટે ક્લાસમાં પ્રવેશવાની મંજૂરી ન આપતાં શરૂ થયો હતો. આ કારણે હિજાબ પહેરેલી છોકરીઓને ઓનલાઈન ક્લાસ પસંદ કરવાનું કહેવામાં આવ્યું હતું. વિદ્યાર્થિનીઓએ કોલેજના નિર્ણયને સ્વીકારવાનો ઈન્કાર કરી દીધો હતો અને તેની સામે હાઈકોર્ટમાં અરજી કરી હતી. આ સાથે આ નિર્ણયના વિરોધમાં છોકરીઓએ વર્ગોનો બહિષ્કાર કર્યો હતો. ઉડુપીની આ કોલેજમાંથી ઉભો થયેલો હિજાબ વિવાદ રાજ્યભરમાં ચકચાર મચી ગયો છે.