હિજાબ વિવાદ ફરી એકવાર સુપ્રીમ કોર્ટમાં પહોંચ્યો, કર્ણાટક હાઈકોર્ટના વચગાળાના આદેશને આપવામાં આવ્યો પડકાર

કર્ણાટક હિજાબ કેસમાં કર્ણાટક હાઈકોર્ટના વચગાળાના આદેશને આજે સુપ્રીમ કોર્ટમાં પડકારવામાં આવ્યો હતો. સુપ્રીમ કોર્ટે આ અરજી પર તાકીદે સુનાવણી કરવાનો ઈન્કાર કરી દીધો છે. સુપ્રીમ કોર્ટે કહ્યું કે તે કર્ણાટકના કેસ પર નજર રાખી રહી છે અને હાલમાં હાઈકોર્ટમાં સુનાવણી ચાલી રહી છે. વકીલોને સલાહ આપતા સુપ્રીમ કોર્ટે કહ્યું કે તેને રાષ્ટ્રીય સ્તરનો મુદ્દો ન બનાવો અને સુપ્રીમ કોર્ટ યોગ્ય સમયે આ મામલે હસ્તક્ષેપ કરશે. ઉલ્લેખનીય છે કે, આ મામલે એક વિદ્યાર્થીએ સુપ્રીમ કોર્ટમાં અરજી કરી હતી.

આપને જણાવી દઈએ કે કર્ણાટક હાઈકોર્ટે ગુરુવારે આદેશ આપ્યો હતો કે જ્યાં સુધી અરજી પેન્ડિંગ ન હોય ત્યાં સુધી કોઈપણ શાળાએ કોલેજોમાં ધાર્મિક વસ્ત્રો પહેરવા જોઈએ નહીં. જેમાં શાળા-કોલેજો ખોલવા માટે પણ કહેવામાં આવ્યું હતું. સોમવારે પણ હાઇકોર્ટમાં કેસની સુનાવણી ચાલુ રહેશે. હાઈકોર્ટે પોતાના આદેશમાં કહ્યું કે અમે આદેશ પસાર કરીશું. ત્યાં સુધી શાળા-કોલેજ ચાલુ થવા દો. પરંતુ જ્યાં સુધી મામલો ઉકેલાય નહીં ત્યાં સુધી કોઈને પણ ધાર્મિક પોશાક પહેરવા દેવામાં આવશે નહીં. હાઈકોર્ટે કહ્યું કે, "ચુકાદાના નિકાલ સુધી શાળા-કોલેજના પરિસરમાં હિજાબ કે કેસરી શાલ જેવા ધાર્મિક વસ્ત્રો પહેરવામાં આવશે નહીં. અમે બધાને રોકીશું. કારણ કે અમે રાજ્યમાં શાંતિ ઈચ્છીએ છીએ. હાઈકોર્ટ કોલેજોમાં હિજાબ પ્રતિબંધને પડકારતી મુસ્લિમ વિદ્યાર્થીનીઓ વતી અરજીઓ પર સુનાવણી કરી રહી છે. કેસની સુનાવણી દરમિયાન, રાજ્ય હાઈકોર્ટે કહ્યું છે કે હાલમાં તેઓ અન્ય મુદ્દા પર પણ વિચાર કરી રહ્યા છે કે શું હેડસ્કાર્ફ પહેરવું મૂળભૂત અધિકારો હેઠળ આવે છે. કોર્ટે કહ્યું કે તેઓ એ પણ વિચારી રહ્યા છે કે શું હેડસ્કાર્ફ પહેરવો એ ધાર્મિક પરંપરાનો આવશ્યક ભાગ છે.