કેન્દ્ર સરકારે સરકારી સ્વચ્છતા ઝુંબેશમાં ભંગાર વેચી રૂ.65.54 કરોડની આવક મેળવી

કેન્દ્રએ 2 ઓક્ટોબરથી 31 ઓક્ટોબરની વચ્ચે આયોજિત વિશેષ સરકારી સ્વચ્છતા ઝુંબેશમાં 12.01 લાખ ચોરસ ફૂટની વિશાળ જગ્યા-લગભગ 20 ફૂટબોલ મેદાનની બરાબર જગ્યા ખાલી થઈ છે અને ભંગારનો નિકાલ કરીને રૂ. 62.54 કરોડની આવક પણ મેળવી છે.આ સરકારી ઈમારતો માં નોંધપાત્ર ખાલી જગ્યા ઉમેરે છે. જેમાં કેન્દ્ર સરકારના બહુવિધ મંત્રાલયો આવેલા છે, પરંતુ સામાન્ય રીતે ફાઈલો, કાગળો અને એસેસરીઝના ઢગલાથી ભરેલી ઓફિસો દ્વારા વર્ગીકૃત કરવામાં આવે છે. ગાંધી જયંતિ પર શરૂ થયેલી પખવાડિયાની લાંબી ડ્રાઈવે અન્ય પણ ઘણા લક્ષ્યો હાંસલ કર્યા હતા.દાખલા તરીકે 3.30 લાખ જાહેર ફરિયાદોના લક્ષ્યાંક સામે 3.03 લાખ જેટલી જાહેર ફરિયાદોનો નિકાલ કરવામાં આવ્યો હતો.

આ નિર્ધારિત લક્ષ્યના 91.6 ટકા છે. ત્યારે ડેટા દર્શાવે છે કે 25,978 ના લક્ષ્યાંક સામે 21,547 જાહેર ફરિયાદ અપીલોનો નિકાલ કરવામાં આવ્યો હતો.માહિતી અનુસાર સરળતા માટે 907 નિયમો અને પ્રક્રિયાઓની ઓળખ કરાઈ હતી, જેમાંથી 699 નિયમોને પેન-ગર્વમેન્ટ માટે સરળ બનાવવામાં આવ્યા હતા. ડેટા અનુસાર 45.54 લાખ જેટલી સરકારી ફાઇલોની સમીક્ષા કરવાની બાકી હતી, જેમાંથી 44.89 લાખની ઝુંબેશ દરમિયાન સમીક્ષા કરવામાં આવી હતી. તેવી જ રીતે 23.69 લાખ ફાઈલો દુર કરવા માટે ઓળખવામાં આવી હતી, જેમાંથી 21.89 લાખનો નિકાલ કરવામાં આવ્યો હતો. વહીવટી સુધારણા અને જાહેર ફરિયાદો વિભાગે તમામ મંત્રાલયો અને વિભાગો દ્વારા અભિયાનના અમલીકરણ પર દેખરેખ રાખવા માટે જવાબદાર નોડલ મંત્રાલય હતું. ડ્રાઈવ પર રીઅલ-ટાઈમ પ્રગતિની દેખરેખ માટે ડેડીકેડ ડેશબોર્ડનો ઉપયોગ કરવામાં આવ્યો હતો. ત્યારે દરેક પેરામીટર પરનો પ્રગતિ અંગેનો અંતિમ ડેટા આ મહિનાની શરૂઆતમાં સંકલિત કરવામાં આવ્યો હતો