મણિપુર વિધાનસભાના બીજા તબક્કા માટે મતદાન શરૂ, ભૂતપૂર્વ મુખ્ય પ્રધાન ઓકરામ ઇબોબી સિંહે આપ્યો મત

મણિપુર વિધાનસભા ચૂંટણીના બીજા અને છેલ્લા તબક્કાનું મતદાન શનિવારે શરૂ થયું છે. મણિપુરના 6 જિલ્લાની 22 વિધાનસભા બેઠકો પર સવારે 7 વાગ્યાથી મતદાન ચાલી રહ્યું છે. જે 22 વિધાનસભા મતવિસ્તારો પર આજે મતદાન થઈ રહ્યું છે. તેમાં લિલોંગ, થૌબલ, વાંગખેમ, હિરોક, વાંગજિંગ ટેન્થા, ખાંગાબો, વાબગાઈ, કાકચિંગ, હિઆંગલામ, સુગાનુ, જીરીબામ, ચંદેલ (ST), તેંગાનોપલ (ST), ફુંગ્યાર (ST), ઉખરુલ (ST), ચિંગાઈ (ST), કરોંગ (ST), માઓ (ST), તાદુબી (ST), તામી (ST), તામેંગલોંગ (ST), અને નુંગબા (ST) બેઠકો થશે.

પૂર્વ મુખ્યમંત્રી અને કોંગ્રેસના નેતા ઓકરામ ઈબોબી સિંહે કહ્યું કે મને વિશ્વાસ છે કે અમે આ વખતે થૌબલમાં 10માંથી 9 બેઠકો જીતી રહ્યા છીએ અને અમે પૂર્ણ બહુમતી સાથે મણિપુર જીતવા જઈ રહ્યા છીએ. મણિપુરમાં બીજા તબક્કાના મતદાન દરમિયાન ભૂતપૂર્વ મુખ્ય પ્રધાન અને કૉંગ્રેસના નેતા ઓકરામ ઇબોબી સિંહે થૌબલમાં મતદાન મથક પર પોતાનો મત આપ્યો. મણિપુર વિધાનસભા ચૂંટણીના બીજા તબક્કામાં મતદાન કરવા લોકો હિરોકમાં મતદાન કેન્દ્ર પર પહોંચ્યા. બીજા તબક્કાની ચૂંટણી માટે 1,247 મતદાન મથકો બનાવવામાં આવ્યા છે. આ તબક્કામાં કુલ 8.38 લાખ મતદારો તેમના મતાધિકારનો ઉપયોગ કરશે. આ ઉપરાંત આ તબક્કામાં બે મહિલાઓ સહિત 92 ઉમેદવારો મેદાનમાં છે, જેમનું ભાવિ બીજા તબક્કાના મતદારો નક્કી કરશે. તે જ સમયે, જે મતદારો કોવિડ પોઝિટીવ છે અથવા કોરોનાના લક્ષણો ધરાવે છે, તેઓને છેલ્લી કલાકમાં બપોરે 3 થી 4 વાગ્યાની વચ્ચે મતદાન કરવાની મંજૂરી આપવામાં આવશે.