ઓસ્ટ્રેલિયન ઓપન : પહેલા બે સેટ હાર્યા બાદ કમબેક કરી રાફેલ નદાલ બન્યો ચેમ્પિયન

રાફેલ નડાલ 21 ગ્રાન્ડ સ્લેમ જીતનારો પહેલો ખેલાડી બની ગયો છે. 35 વર્ષીય સ્પેનિશ ટેનિસ ખેલાડીએ ઓસ્ટ્રેલિયા ઓપનની ફાઈનલમાં 25 વર્ષના રશિયન સ્ટાર ડેનિલ મેદવેદેવને પાંચ સેટની મેચમાં 2-6, 6-7, 6-4, 6-4, 6-4થી હરાવી ઈતિહાસ રચ્યો છે. આ નડાલની કારકિર્દીનો બીજો ઓસ્ટ્રેલિયા ઓપન અને ઓવરઓલ 21મો ગ્રાન્ડ સ્લેમ ખિતાબ છે.

નડાલ આની સાથે જ ગ્રાન્ડ સ્લેમના 145 વર્ષના ઈતિહાસમાં સૌથી વધુ મેન્સ સિંગલ ખિતાબ જીતનારો પુરુષ ખેલાડી બની ગયો છે. તેણે સ્વિટ્ઝરલેન્ડના રોજર ફેડરર અને સર્બિયાના નોવાક જોકોવિચને ઓવરટેક કરી દીધા છે. આ બંનેના નામે કુલ 20-20 ગ્રાન્ડ સ્લેમ ટાઈટલ છે.