જાણો ઈન્ડિયન પ્રીમિયર લીગની કઈ ટીમે કેટલો ખર્ચ કર્યો રિટેન્શનમાં...!!

IPL 2022 માટે મેગા ઓક્શન ટૂંક સમયમાં થવા જઈ રહ્યું છે. અગાઉ તમામ ટીમોએ ભારતીય ક્રિકેટ કંટ્રોલ બોર્ડ (BCCI)ને તેમના રિટેન કરાયેલા ખેલાડીઓની યાદી સુપરત કરી છે. આ રિટેન્શન પ્રક્રિયામાં તમામ ટીમોએ તેમના મનપસંદ ખેલાડીઓને જાળવી રાખ્યા છે. આ માટે તેણે ઘણા પૈસા પણ ખર્ચ્યા છે.

તાજેતરમાં બીસીસીઆઈએ દરેક ટીમને ફક્ત 4 ખેલાડીઓને જ રાખવાની મંજૂરી આપી હતી જેમાં ઓછામાં ઓછા એક અને વધુમાં વધુ બે વિદેશી ખેલાડીઓ રાખી શકાય છે. BCCIએ રિટેન કરાયેલા તમામ ખેલાડીઓ માટે રકમ પણ નક્કી કરી હતી. તે જ અંતર્ગત તમામ ફ્રેન્ચાઇઝીએ ખેલાડીઓને જાળવી રાખ્યા છે.

ભારતીય બોર્ડે આ વખતે તમામ ફ્રેન્ચાઇઝીઓને ખેલાડીઓને જાળવી રાખવા અને હરાજીમાં ખરીદવા માટે 90 કરોડ રૂપિયા ખર્ચવાની મંજૂરી આપી હતી. આવી સ્થિતિમાં રિટેન્શન પ્રક્રિયા પૂર્ણ થયા પછી પંજાબ કિંગ્સના પર્સમાં મહત્તમ 72 કરોડ રૂપિયા બચે છે કારણ કે તેણે ફક્ત બે ખેલાડીઓને જાળવી રાખ્યા છે. પંજાબની ટીમે આ બંને ખેલાડીઓ પર માત્ર 18 કરોડ રૂપિયાનો ખર્ચ કર્યો છે.