Connect Gujarat
સ્પોર્ટ્સ

IND vs PAK : એશિયા કપની મેચોનું ટિકિટ બુકિંગ શરુ થતાં જ વેબસાઈટ થઈ ક્રેશ

IND vs PAK : એશિયા કપની મેચોનું ટિકિટ બુકિંગ શરુ થતાં જ વેબસાઈટ થઈ ક્રેશ
X

એશિયા કપ 27 ઓગસ્ટથી શરૂ થવા જઈ રહ્યો છે. આ ટૂર્નામેન્ટમાં ભારતીય ટીમનો પ્રથમ મુકાબલો 28 ઓગસ્ટે પાકિસ્તાન સામે થશે. ભારતીય ટીમ આ ટૂર્નામેન્ટ માટે સંપૂર્ણપણે તૈયાર દેખાઈ રહી છે. ભારતીય ટીમ એશિયા કપ માટે 20 ઓગસ્ટે રવાના થશે. આ મેચ માટે બંને ટીમોએ તૈયારીઓ કરી લીધી છે. ભારત અને પાકિસ્તાનની આ મેચની ટિકિટની માંગ પણ બમ્પર છે. તમે ટિકિટની માંગનો અંદાજ એ વાત પરથી લગાવી શકો છો કે મેચની ટિકિટ બુક કરવા માટે શરુ થયેલી સત્તાવાર વેબસાઇટ ક્રેશ થઈ ગઈ છે.

પ્લેટિનમલિસ્ટ, યુએઈમાં મેચની ટિકિટ બુક કરવા માટેની સૌથી લોકપ્રિય વેબસાઇટ્સમાંની એક છે. 15 ઓગસ્ટના બપોરે 12 વાગ્યા સુધી, વેબસાઇટના ટ્રાફિકમાં 70 હજારનો બમ્પર વધારો થયો છે. ભારત-પાકિસ્તાન મેચની ટિકિટ આપવામાં વિલંબથી ચાહકો પહેલેથી જ નારાજ હતા. ભારત અને પાકિસ્તાન બંને ટીમોને પ્રશંસકોનો ઘણો સપોર્ટ મળે છે. જો કે, વેબસાઈટ ક્રેશ થયા પછી, ટિકિટ મેળવવામાં દર્શકોને ઘણો વિલંબ કરવો પડી રહ્યો છે. બીજી તરફ, અધિકૃત ટિકિટિંગ પાર્ટનર વેબસાઇટે કેટલાક કિસ્સાઓમાં 6 મિનિટથી 40 મિનિટ સુધીના રાહ જોવાના સમય સાથે ટ્રાફિકને નિયંત્રિત કરવા માટે કતાર લગાવી છે. ભારત-પાકિસ્તાનની મેચોની ટિકિટ મેળવવા માટે હંમેશા રસાકસી થતી જોવા મળે છે. બંને દેશના ચાહકો આ મેચને ચૂકવા માંગતા નથી.

Next Story
Share it