નીરજ ચોપરાએ 89.08 મીટરના થ્રો સાથે ડાયમંડ લીગ જીતી, ટાઇટલ જીતનાર પ્રથમ ભારતીય

ઓલિમ્પિક ચેમ્પિયન જેવલિન થ્રોઅર નીરજ ચોપરાએ શુક્રવારે વધુ એક ઐતિહાસિક સિદ્ધિ હાંસલ કરી છે. નીરજ ચોપરા ડાયમંડ લીગ 2022 જીતનાર પ્રથમ ભારતીય બની ગયા છે.નીરજ ચોપરાએ 89.08 મીટરના પ્રથમ થ્રો સાથે ડાયમંડ લીગ જીતી હતી.

તાજેતરમાં નીરજે વર્લ્ડ એથ્લેટિક્સ ચેમ્પિયનશિપમાં ભારતને સિલ્વર મેડલ અપાવ્યો હતો. અંજુ બોબી જ્યોર્જ (2003) પછી આવું કરનાર તે માત્ર બીજા એથ્લેટ બન્યો. ફાઇનલમાં નીરજે 88.13 મીટરના અંતર સુધી બરછી ફેંકીને સિલ્વર મેડલ જીત્યો હતો.

હરિયાણાના પાણીપત પાસેના ખંડારા ગામનો રહેવાસી નીરજ ચોપરા ડાયમંડ લીગનો તાજ જીતનાર પ્રથમ ભારતીય બન્યો છે. ચોપરા પહેલા ડિસ્કસ થ્રોઅર વિકાસ ગૌડા ડાયમંડ લીગ મીટમાં ટોચના ત્રણમાં સ્થાન મેળવનાર એકમાત્ર ભારતીય છે. ગૌડાએ 2012માં ન્યૂયોર્કમાં બે વખત અને 2014માં દોહામાં બીજા સ્થાને અને 2015માં શાંઘાઈ અને યુજેન બે વખત પૂર્ણ કર્યા હતા.