રાહુલ દ્રવિડ થયા હાર્દિક પંડ્યાની કેપ્ટનશીપ પર ફીદા,વાંચો શું કહ્યું
આઈપીએલ 2022 સીઝનમાં, હાર્દિક પંડ્યાએ તેની કેપ્ટનશિપથી બધાને પ્રભાવિત કર્યા છે.
આઈપીએલ 2022 સીઝનમાં, હાર્દિક પંડ્યાએ તેની કેપ્ટનશિપથી બધાને પ્રભાવિત કર્યા છે. હાર્દિક પંડ્યાના નેતૃત્વમાં ગુજરાત ટાઇટન્સે IPLની ડેબ્યૂ સિઝનમાં જ પ્રથમ વખત ટાઇટલ જીત્યું હતું. હવે ભારતીય ક્રિકેટ ટીમના મુખ્ય કોચ રાહુલ દ્રવિડે હાર્દિક પંડ્યાના જોરદાર વખાણ કર્યા છે. તેમણે કહ્યું કે, આ સિઝનમાં હાર્દિક પંડ્યાની કેપ્ટન્સી ઘણી અસરકારક રહી અને તેણે પણ સારું પ્રદર્શન કર્યું. રાહુલ દ્રવિડે કહ્યું કે, હાર્દિક પંડ્યાએ ફરી બોલિંગ શરૂ કરી છે.
આ અમારા માટે સારો સંકેત છે. અમે જાણીએ છીએ કે, હાર્દિક પંડ્યા ટીમમાં શું યોગદાન આપી શકે છે. તેમણે વધુમાં કહ્યું કે, હાર્દિક પંડ્યા બોલિંગ કરે તો ટીમને ફાયદો મળે છે. આ સાથે દ્રવિડે કહ્યું કે, હું થોડા કલાકો પહેલાં જ હાર્દિકને મળ્યો હતો. ફાઈનલ રમનારા ખેલાડીઓ માટે અમે તેમને વધારાના દિવસોની રજા આપી છે. પરંતુ મને લાગે છે કે આઈપીએલમાં હાર્દિકની કેપ્ટનશીપ ખૂબ જ પ્રભાવશાળી હતી અને તેણે ખૂબ જ સારું પ્રદર્શન કર્યું હતું.
