વિરાટ કોહલી, રોહિત શર્મા અને ઋષભ પંત વેસ્ટ ઈન્ડિઝ સામે ટી20માં રમતા જોવા મળશે! પરંતુ વનડે શ્રેણીમાંથી બહાર

ઈંગ્લેન્ડ બાદ ટીમ ઈન્ડિયાએ વેસ્ટ ઈન્ડિઝના પ્રવાસે જવાની છે. જ્યાં ODI અને T20 મેચોની સિરીઝ રમાશે. આ માટે ભારતની વનડે ટીમની જાહેરાત થઈ ચૂકી છે. જ્યારે ટી20 શ્રેણી માટે ટીમ ઈન્ડિયાની જાહેરાત થવાની બાકી છે. વેસ્ટ ઈન્ડિઝના પ્રવાસ પર પ્રથમ ત્રણ મેચની વનડે શ્રેણી હશે. જેના માટે શિખર ધવનને ટીમનો કેપ્ટન બનાવવામાં આવ્યો છે જ્યારે રવિન્દ્ર જાડેજાને વાઇસ કેપ્ટન બનાવવામાં આવ્યો છે.

પરંતુ આ શ્રેણીમાં રોહિત શર્મા, વિરાટ કોહલી, કેએલ રાહુલ, ઋષભ પંત, જસપ્રિત બુમરાહ જેવા સિનિયર ખેલાડીઓને આરામ આપવામાં આવ્યો છે. આ સિનિયર ખેલાડીઓને આરામ આપીને ચાહકો નારાજ થયા હતા. પરંતુ હવે તેમના માટે એક સારા સમાચાર સામે આવી રહ્યા છે. વેસ્ટ ઈન્ડિઝ પ્રવાસ પર ODI પછી પાંચ મેચોની T20 શ્રેણી પણ રમાશે. આ શ્રેણીમાં રોહિત, કોહલી, પંત સહિત અન્ય સિનિયર ખેલાડીઓ પણ પરત ફરશે જેમને આરામ આપવામાં આવ્યો હતો.