સુરત : ઉધનામાં ધો.8માં અભ્યાસ કરતા વિદ્યાર્થીને મનપાની કચરો કલેક્ટ કરતી ગાડીએ અડફેટમાં લેતા મોત

• ઉધના વિસ્તારમાં સર્જાયો અકસ્માત

• SMCની કચરા ગાડીએ સર્જ્યો અકસ્માત

• 13 વર્ષીય કિશોરને અડફેટમાં લીધો

• ગંભીર ઈજાના કારણે કિશોરનું મોત

• પરિવારે એકનો એક પુત્ર ગુમાવ્યો

• પોલીસે શરૂ કરી તપાસ

સુરતના ઉધના વિસ્તારમાં ધોરણ 8માં અભ્યાસ કરતા એક વિદ્યાર્થીને મહાનગરપાલિકાની કચરો કલેક્ટ કરતી ગાડીએ અડફેટમાં લીધો હતો,જેમાં ગંભીર ઇજાઓને કારણે વિદ્યાર્થીનું કરુણ મોત નીપજ્યું હતું.

સુરતના ઉધના વિસ્તારમાં મહાનગરપાલિકાની કચરો કલેક્ટ કરતી ગાડીએ ધોરણ 8માં અભ્યાસ કરતા 13 વર્ષીય કાર્તિક અનિલ મોહિતેને અડફેટમાં લીધો હતો.જેના કારણે તેને ગંભીર ઈજાઓ પહોંચતા તેનું કરૂણ મોત નીપજ્યું હતું.આ અકસ્માતમાં પરિવારે એકનો એક દીકરો ગુમાવ્યો હતો,અને પરિવારમાં ભારે શોકની લાગણી પ્રસરી ગઈ હતી.ઘટનાની જાણ થતા ઉધના પોલીસનો કાફલો ઘટના સ્થળ પર દોડી આવ્યો હતો,અને મૃતક કાર્તિક મોહિતેના મૃતદેહને નવી સિવિલ હોસ્પિટલમાં પોસ્ટમોર્ટમ અર્થે ખસેડાયો હતો.વધુમાં પોલીસે SMCની કચરા ગાડીના ચાલક વિરુદ્ધ ગુનો નોંધીને વધુ તપાસ શરૂ કરી હતી.