• RTOની ડુપ્લીકેટ રસીદ બતાવી વાહન છોડવાના રેકેટનો મામલો

• છેલ્લા 6 મહિનાથી નાસતા ફરતા આરોપીને પોલીસે ઝડપી પાડ્યો

• નકલી રસીદ આપી ટ્રાફિક ગોડાઉનમાંથી વાહનો છોડાવતા હતા

• 3 યુવકો રસીદ લઈ રિક્ષા છોડાવવા જતાં મામલો સામે આવ્યો

• પોલીસે આરોપીઓની ધરપકડ કરી કાયદેસરની કાર્યવાહી આદરી

સુરત શહેરના સરથાણા ખાતેના ટ્રાફિકના ગોડાઉન પર દંડની ડુપ્લિકેટ રસીદ બતાવીને વાહનો છોડાવી જવાના રેકેટ મામલે પોલીસે 3 શખ્સોની ધરપકડ કરી વધુ તપાસ હાથ ધરી છે.

સુરત શહેરના સરથાણા પોલીસમાં ટ્રાફિક પોલીસના કર્મીએ ફરિયાદ આપી હતી. જેના આધારે પોલીસે રિક્ષા છોડાવવા આવેલા વિશાલ, ક્રિષ્ના અને સંદીપ તેમજ 29 વાહનોના ચાલકો સામે ગુનો નોંધ્યો છે. સરથાણા વિસ્તારમાં ટ્રાફિકનું ગોડાઉન આવેલું છે, જ્યાં ટ્રાફિક પોલીસે લાયસન્સ ન હોય તેવા ચાલકોના વાહનો ડિટેઇન કરતા હોય છે. ડિટેઇન કરેલા વાહનોને ગોડાઉનમાં રાખવામાં આવે છે. ગોડાઉનમાંથી વાહનચાલકોRTOમાં દંડ ભરેલી સ્લિપ બતાવી વાહનો છોડાવી જતા હોય છે.RTOમાં દંડ ભરેલી સ્લિપમાં ક્યુઆર કોડ સ્કેન કરતાં જ તેમાં ભરેલી દંડની રકમ સ્પષ્ય દેખાય છે, જ્યારે નકલી સ્લિપમાં ક્યુઆર કોડ સ્કેન કરતાં તેમાં કશું દેખાતું નથી અથવા તો કોડ જ સ્કેન થતો નથી, જેના કારણે આખું રેકેટ સામે આવ્યું છે. 29 નકલી સ્લિપ બતાવીને વાહનો છોડાવી ગયેલાઓમાં સૌથી વધારે રિક્ષા અને ટુ-વ્હીલર છે.

RTOમાં દંડ ભરેલી નકલી સ્લિપ કાપોદ્રાનો સુનિલ નામનો શખ્સ બનાવતો હોવાનું સામે આવ્યું છે. વાહનચાલકો પાસેથી અમુક રૂપિયા લઈ તે નકલી રસીદ આપી દેતો હતો. પછી વાહનચાલકો નકલી સ્લિપથી વાહનો છોડાવી જતા હતા. જોકે, સરથાણા ખાતેના ટ્રાફિકના ગોડાઉન પર દંડની ડુપ્લિકેટ રસીદ બતાવીને વાહનો છોડાવી જવાના રેકેટ મામલે પોલીસે 3 શખ્સોની ધરપકડ કરી વધુ તપાસ હાથ ધરી છે.