ભારતમાં લોન્ચ થઈ BMW મોટરસાઇકલ, માત્ર 3.6 સેકન્ડમાં પકડી લેશે 0 થી 100 કિમીની સ્પીડ,જાણો અન્ય ફીચર્સ

લક્ઝરી ગાડીઓના નિર્માતા BMWએ આજે F 900 XR ભારતીય બજારમાં તેના અપડેટેડ વર્ઝનમાં લોન્ચ કર્યું છે, જેની પ્રારંભિક કિંમત રૂ. 12.3 લાખ (એક્સ-શોરૂમ) છે. જોકે, આ બાઇકની ડિલિવરી જૂન 2022થી કરવામાં આવશે. BMW Motorrad વિશ્વની શ્રેષ્ઠ પ્રીમિયમ મોટરસાઈકલ ભારતમાં લાવી છે અને મોટરસાઈકલના શોખીનોમાં પોતાનું આગવું સ્થાન બનાવ્યું છે. XR એથ્લેટિકિઝમ અને લાંબા-અંતરની સવારી પ્રદર્શનના અજોડ સંયોજનનું પ્રતિનિધિત્વ કરે છે.

BMW F 900 ના ફીચર્સ વિશે વાત કરીએ તો આ લક્ઝરી બાઇક ઘણા આધુનિક ફીચર્સથી સજ્જ છે. તેમાં મલ્ટી-ફંક્શન ઇન્સ્ટ્રુમેન્ટ ક્લસ્ટર આપવામાં આવ્યું છે, જેનો ઉપયોગ સ્માર્ટફોનમાં એપ ઇન્સ્ટોલ કરેલ હોય તો પણ મોબાઇલ ફોન અને મીડિયા ફંક્શન માટે કરી શકાય છે. આ સિવાય રાઇડર્સ બ્લૂટૂથ કનેક્ટિવિટી દ્વારા ફોન કૉલ, મ્યુઝિક પ્લેબેક જેવી સુવિધાઓનો ઉપયોગ કરી શકે છે. આ સાથે, બાઇકને BMW મોટોરેડ કનેક્ટિવિટી એપ સાથે ડિસ્પ્લે પર રૂટ ઇમ્પોર્ટ અને મલ્ટીપલ પોઇન્ટ ગાઇડન્સની સુવિધા પણ મળે છે. આ લક્ઝરી બાઈકના એન્જિનની વાત કરીએ તો તેમાં 895 cc ફોર સિલિન્ડર એન્જિન છે. આ એન્જિન વોટર કૂલ્ડ ટેક્નોલોજી પર આધારિત છે, જે લાંબી મુસાફરી પછી પણ બાઇકના એન્જિનને અસર કરશે નહીં. તેનું એન્જિન મહત્તમ 105 Bhp પાવર અને 92 Nmનો પીક ટોર્ક જનરેટ કરવામાં સક્ષમ છે. બાઇકની સ્પીડ અંગે કંપનીનો દાવો છે કે તે માત્ર 3.6 સેકન્ડમાં 0 થી 100 કિલોમીટર પ્રતિ કલાકની સ્પીડ હાંસલ કરી લે છે. આ સિવાય આ બાઇક 200 કિમી પ્રતિ કલાકની ટોપ સ્પીડ પર દોડી શકે છે.