ભારતે ફાઈટર જેટનું ઉત્પાદન શરૂ કર્યું, અત્યાર સુધી માત્ર અમેરિકા અને રશિયા જેવા દેશો પાસે જ છે આ ફાઈટર જેટ.

સંરક્ષણ મંત્રાલયે એડવાન્સ્ડ મીડિયમ કોમ્બેટ એરક્રાફ્ટ (AMCA)ની ડિઝાઇન અને પ્રોટોટાઇપ ડેવલપમેન્ટ માટે વડાપ્રધાનની આગેવાની હેઠળની કેન્દ્રીય મંત્રીમંડળની સુરક્ષા સમિતિ (CCS) પાસેથી મંજૂરી મેળવવાની પ્રક્રિયા શરૂ કરી છે. રક્ષા રાજ્ય મંત્રી અજય ભટ્ટે રાજ્યસભામાં આ પ્રોજેક્ટ અંગેના પ્રશ્નનો જવાબ આપતાં આ માહિતી આપી હતી.

તેની હવાઈ ક્ષમતામાં નોંધપાત્ર વધારો કરવા માટે, ભારત અદ્યતન સુવિધાઓ સાથે પાંચમી પેઢીના મધ્યમ વજનના ફાઇટર જેટને વિકસાવવાના પ્રોજેક્ટ પર કામ કરી રહ્યું છે. આ પ્રોજેક્ટ પર પ્રારંભિક અંદાજિત ખર્ચ 1500 કરોડ રૂપિયા છે. હાલમાં, વિશ્વમાં અમેરિકા, રશિયા અને ચીન જેવા કેટલાક પસંદગીના દેશો પાસે જ પાંચમી પેઢીના સ્ટીલ્થ ફાઈટર પ્લેન છે. ભટ્ટે રાજ્યસભામાં જણાવ્યું હતું કે છેલ્લા છ વર્ષમાં 42 સંરક્ષણ કર્મચારીઓએ વિમાન અકસ્માતમાં જીવ ગુમાવ્યા છે. ગૃહમાં રજૂ કરાયેલી વિગતો અનુસાર છેલ્લા પાંચ વર્ષમાં 45 એરક્રાફ્ટ અકસ્માતો થયા છે

જેમાં 29 એરફોર્સનો પણ સમાવેશ થાય છે. તેમણે કહ્યું કે 2017 થી, આતંકવાદી હુમલાઓ અને બળવાખોરી વિરોધી કામગીરીમાં 156 આર્મી જવાનો અને ત્રણ એરફોર્સના જવાનોનું બલિદાન આપવામાં આવ્યું છે. એક પ્રશ્નના જવાબમાં સંરક્ષણ રાજ્ય મંત્રીએ જણાવ્યું હતું કે 2010થી અત્યાર સુધીમાં સંરક્ષણ કર્મચારીઓ સાથે સંકળાયેલા ભ્રષ્ટાચારના કુલ 1080 કેસ નોંધાયા છે. 2013 અને 2021 વચ્ચે એરફોર્સમાંથી 29, નેવીમાંથી પાંચ અને આર્મી તરફથી 1046 કેસ નોંધાયા છે.