વડોદરા : SSG હોસ્પિટલમાં 2 જૂથો વચ્ચે થઈ છુટ્ટા હાથની મારામારી, વિડીયો થયો વાયરલ...
મધ્ય ગુજરાતની સૌથી મોટી સરકારી હોસ્પિટલ એસએસજી હોસ્પિટલમાં ગત રાત્રે 2 જૂથો વચ્ચે મારામારી થઈ હતી, જેનો વિડીયો પણ વાયરલ થયો
એસએસજી હોસ્પિટલમાં ગત રાત્રે 2 જૂથો વચ્ચે થઈ મારામારી
કાસમ કબ્રસ્તાન નજીક અગાઉ 2 જૂથ વચ્ચે થઈ હતી મારામારી
મારામારીનો વિડીયો સોશિયલ મીડિયામાં ખૂબ વાયરલ થયો
વડોદરા શહેરમાં આવેલ મધ્ય ગુજરાતની સૌથી મોટી સરકારી હોસ્પિટલ એસએસજી હોસ્પિટલમાં ગત રાત્રે 2 જૂથો વચ્ચે મારામારી થઈ હતી, જેનો વિડીયો પણ વાયરલ થયો છે મળતી માહિતી અનુસાર, વડોદરા શહેરના કાસમ કબ્રસ્તાન નજીક 2 જૂથો વચ્ચે મારામારી થઈ હતી. 2 મુસ્લિમ જૂથો વચ્ચે થયેલી મારામારી બાદ ઇજાગ્રસ્તોને સારવાર અર્થે વડોદરાની એસએસજી હોસ્પિટલ ખાતે ખસેડવામાં આવ્યા હતા,
જ્યાં તેઓના સમર્થકો પણ ઉપસ્થિત થતાં જોતજોતામાં આ સમર્થકો વચ્ચે પણ બોલાચાલી થઈ હતી, અને ત્યારબાદ હોસ્પિટલમાં જ મારામારીના દ્રશ્યો જોવા મળ્યા હતા. હોસ્પિટલના સંચાલકોએ આ અંગે પોલીસને જાણ કરતાં પોલીસ તાબડતોબ ઘટના સ્થળે દોડી આવી હતી, અને બન્ને જૂથોને અલગ કર્યા હતા. જોકે, હોસ્પિટલમાં થયેલી મારામારીનો વિડીયો પણ સોશિયલ મીડિયામાં ખૂબ વાયરલ થયો હતો.