ઑસ્ટ્રિયન એરલાઇન્સના પ્લેનને અધવચ્ચેથી પરત ફરવાની પડી ફરજ, વાંચો શું હતું કારણ..!

ઑસ્ટ્રિયન એરલાઇન્સના એક વિમાનને વિયેનાથી ન્યૂયોર્કની ફ્લાઇટના મધ્યમાં બે કલાક પાછામાં ફરવાની ફરજ પડી હતી. લગભગ 300 લોકોને લઈને વિયેનાથી ન્યૂયોર્ક જતી બોઈંગ 777 ફ્લાઈટ સોમવારે 8 કલાકમાં સફર પૂરી કરવાની હતી, પરંતુ પ્લેન બે કલાક પછી પાછું વળવું પડ્યું કારણ કે બોર્ડમાં રહેલા આઠમાંથી પાંચ શૌચાલય યોગ્ય રીતે કામ કરી રહ્યા ન હતા.

ઑસ્ટ્રિયન એરલાઇન્સના પ્રવક્તાએ મંગળવારે જણાવ્યું હતું કે ટેક્નિકલ સમસ્યાને કારણે શૌચાલય યોગ્ય રીતે ફ્લશ થતા ન હતા તે બાદ ક્રૂએ પાછા ફરવાનું નક્કી કર્યું. પ્રવક્તાએ જણાવ્યું હતું કે તેમની શ્રેષ્ઠ જાણકારી મુજબ, ઑસ્ટ્રિયન એરલાઇન્સની ફ્લાઇટમાં આ પ્રકારની સમસ્યા પહેલાં ક્યારેય બની ન હતી. પ્રવક્તાએ ઉમેર્યું હતું કે એરક્રાફ્ટ પરની શૌચાલય હવે ઠીક કરવામાં આવ્યા છે અને તે ફરીથી સેવામાં છે. પરત ફર્યા બાદ અસરગ્રસ્ત મુસાફરોને અન્ય ફ્લાઈટ્સ દ્વારા તેમના સ્થાને મોકલવામાં આવ્યા હતા.