અજય દેવગણ મરાઠી ફિલ્મમાં કેમિયો રોલમાં જોવા મળશે

અભિનેતા અજય દેવગણના નિર્માણ હાઉસ એક ફિલ્મ પ્રોડકશન્સે વોટરગેટ પ્રોડક્શન્સ સાથે ભાગીદારી કરી રિજનલ અને હિન્દી ફિલ્મો બનાવવાનો નિર્ણય કર્યો છે.

અજય દેવગણનું નિર્માણ હાઉસ એક મરાઠી ફિલ્મ બનાવવાનું છે. આ ફિલ્મનું દિગ્દર્શક સતિષ રજવાડે કરવાના છે. ફિલ્મમાં લીડ રોલ તેમ જ ફિલ્મના સહનિર્માતા નાના પાટેકર નિભાવવાના છે. આ ફિલ્મમાં અજય દેવગણ કેમિયો રોલ ભજવવાનો છે.

આ ફિલ્મ બાદ અન્ય પ્રાદેશિક ભાષાઓની ફિલ્મોમાં પણ અજય નસીબ અજમાવવાનો છે. આ પહેલી મરાઠી ફિલ્મ હશે જેમાં અભિનેતા અજય દેવગણ ટચુકડી ભૂમિકામાં હાજરી આપવાનો છે. ફિલ્મ માટે વિશેષ રીતે અજય મરાઠી ભાષાનું જ્ઞાન મેળવી રહ્યો છે.