Connect Gujarat
ગુજરાત

નવસારી : ધોળાપીપળાના ગામની હરિકૃષ્ણ હોટલ પાસે થયો ગમખ્વાર અકસ્માત, 6ના મોત  

નવસારી : ધોળાપીપળાના ગામની હરિકૃષ્ણ હોટલ પાસે થયો ગમખ્વાર અકસ્માત, 6ના મોત  
X

નવસારીના નેશનલ હાઇવે -૪૮ પર આવેલ ધોળાપીપળાના ગામની હરિકૃષ્ણ હોટલ પાસે થયો ગમખ્વાર અકસ્માતમાં ૩ લોકોના ઘટના સ્થળે મોત નીપજ્યું હતું. તેમજ અન્ય ૩ લોકોના સારવાર દરમયાન મોત થતા પરિવારોમાં દુઃખનો પહાડ તૂટી પડ્યો હતો.

સુરતના વેસુગામની નંદિની -૩ સોસાયટીના રહીશો ચેત્ર નવરાત્રીના પવિત્ર દિવસોમાં માતાજીના દર્શને ગયા હતા. જેમાં દહાણુના મહાલક્ષ્મી માતાજી અને વલસાડના વિશ્વમ્ભરી માતાજીના દર્શને ગયા હતા. જ્યાં પરત વળતી વખતે ટેમ્પો ટ્રાવેલ્સમાં પંચર પડતા ટેમ્પો ટ્રાવેલ્સ સાઈડમાં પાર્ક કરીને ટાયર બદલવાનું કામ ચાલતું હતું તે સમયે કાળમુખુ કન્ટેનર ટેમ્પો ટ્રાવેલ્સને પાછળથી ટક્કર મારતા ૩ લોકોના ઘટના સ્થળે મોત થયા હતા. અને અન્ય ૩ લોકોના સારવાર દરમ્યાંન મોત થયું હતું અને હજી ૬ લોકોની હાલત ગંભીર થતા સારવાર હેઠળ છે. જેમાં ૪ લોકોનો આબાદ બચાવ થયો હતો ઘટનાની જાણ થતા તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા પોલીસે અકસ્માતનો ગુનો નોંધી કન્ટેનરના ચાલાક વિરુદ્ધ ફરિયાદ નોંધી છે. ઘટનાની જાણકારી નવસારીના ધારાસભ્યને થતા પરિવારની પડખે ઉભા રહ્યા હતા.

મૃતકના નામ.

૧) ચંપાબેન કે લીમ્બાચીયા

૨).લતાબેન પટેલ

૩) રમીલાબેન

૪) રમણભાઈ.પટેલ.

૫) સવિતાબેન

Next Story