Connect Gujarat
ગુજરાત

વાગરાના ખેડૂતોની ચેતના યાત્રાનો થયો પ્રારંભ

વાગરાના ખેડૂતોની ચેતના યાત્રાનો થયો પ્રારંભ
X

ભરૂચ જિલ્લામાં સરકારના વિવિધ પ્રકલ્પો માટેના જમીન સંપાદનની પ્રક્રિયાનો ખેડૂતો પ્રચંડ વિરોધ કરી રહ્યા છે. વાગરા અને ભરૂચ તાલુકાની PCPIRની નગર રચનામાં જમીન સંપાદન માટે બંને તાલુકાના ખેડૂતો ખેડૂત હિત રક્ષકદળના નેજા હેઠળ આંદોલન ચલાવી રહ્યા છે. ખેડૂત હિત રક્ષક દળના પ્રમુખ માવસંગ પરમારની આગેવાનીમાં નિકળેલી આ યાત્રામાં મોટી સંખ્યામાં બેનર અને પ્લેકાર્ડ સાથે ખેડૂતો જોડાયા હતા.

વાગરાથી નીકળેલ આ યાત્રા પીસાદ ,સુતરેલ , વહીયાલ , પખાજણ , નાંદરખા , ધણીયાદરા , સંભેટી, સામંતપોર, ગલેન્ડા થઈ રહિયાદ પહોંચી હતી. જ્યાંથી અટાલી, અખોડ , નાંદીડા, ખોજબલ, સડથલા, કોઠીયા, સાયખા, ભેરસમ અને વિલાયત થઈ વોરાસમની ખાતે પહોંચતા પૂર્ણાહૂતિ થઈ હતી. આ યાત્રાના માર્ગમાં ઠેર-ઠેર ખેડૂત ચેતના યાત્રાનું કિસાનોએ ભવ્ય સ્વાગત કર્યુ હતું.

૧૯મી ડિસેમ્બરના રોજ આમોદ, ૨૦ડિસેમ્બરના રોજ જંબુસર, ર૧ મીએ ઝઘડીયા-નેત્રંગ- વાલીયા, ૨૨-મીએ અંકલેશ્વર-હાંસોટ અને ૨૩મીએ

ભરૂચ તાલુકામાં ફરી જિલ્લા કલેક્ટર કચેરી ખાતે પહોંચશે જ્યાં કલેક્ટરને આવેદન

આપવામાં આવશે.

જેમાં સરકાર ખેડૂતના હિતમાં તેમના પ્રશ્નોનું નિરાકરણ લાવે તેવી માંગ

ઉઠાવવામાં આવશે અને જો માંગણી નહિં સંતોષાય તો ૨૬ જાન્યુઆરીના રોજ અલગથી

ધ્વજવંદનનો કાર્યક્રમ કરી કિસાનો પોતાના અધિકારોના રક્ષણ માટે નવી રણનિતિ બનાવાશે

તેમ ખેડૂત હિત રક્ષકદળના પ્રમુખ માવસંગ પરમારે જણાવ્યું હતું.

Next Story
Share it