અમેરિકાના ઓક્લાહોમામાં જંગલમાં આગ ફાટી નીકળી છે. હજારો એકર સપાટ જમીન અને રહેણાંક વિસ્તારો આ આગની ઝપેટમાં છે. અમેરિકન મીડિયા અહેવાલ અનુસાર, આગ શિકાગો શહેર જેટલા વિસ્તારમાં ફેલાઈ ગઈ છે.
અત્રે નોંધનીય છે કે, મોટાભાગની આગ માત્ર 8 કલાકમાં કાબુમાં આવી ગઈ હતી. ઓક્લાહોમા ફોરેસ્ટ્રી સર્વિસ અનુસાર, બુધવાર સાંજ સુધીમાં 15 ટકા આગ કાબુમાં આવી ગઈ હતી. રેન્જર રોડ આગ ઓક્લાહોમાના બીવર કાઉન્ટીમાં શરૂ થઈ હતી અને પછી દક્ષિણ કેન્સાસમાં લગભગ 60 માઈલ સુધી ફેલાઈ ગઈ હતી. મંગળવારે, એન્ગલવુડ અને એશલેન્ડ, કેન્સાસમાં હજારો લોકોને સ્થળાંતર કરવાની ફરજ પડી હતી.
વુડવર્ડ આશરે 12,000 લોકોનું શહેર છે. ઇમરજન્સી મેનેજર મેટ લેહેનબૌરે જણાવ્યું હતું કે, શહેરના દક્ષિણ-પશ્ચિમ ભાગમાં ઘણા હજાર લોકોને સ્થળાંતર કરાવવા પડ્યા હતા. આમાંથી મોટાભાગના સ્થળાંતર આદેશો મંગળવારે મોડી રાત્રે ઉઠાવી લેવામાં આવ્યા હતા. આગને કારણે નોર્થવેસ્ટર્ન ઓક્લાહોમા સ્ટેટ યુનિવર્સિટીના વુડવર્ડ કેમ્પસમાં પણ સ્થળાંતર કરવાની ફરજ પડી હતી, જે બુધવારે સામાન્ય રીતે ફરી ખુલ્યું હતું.
